قصص التائبين والتائبات

[الـتائب]

العائد الى ربه


انااخوكم محمد النادى من مصر عمرى 29 سنه
.اريد ان اقص عليكم قصتى ولكن كل مااطلبه منكم ان تدعولى ان يثبتنى الله ويتم عليا نوره .
بدات قصتى مع الهدايه منذ 4 سنوات. فى يوم ما جائنى صديق لى يدعونى لحفل زفازفه وكنا يوم الاربعاء . وقال لى ان يوم ا لجمعه سيكون زفافه .وطلب منى ان اساعده فى تجهيز هذه الليله من اناره وكراسى وكوشه وخلافه . كان هذا الحوار يوم الاربع بعد اذان المغرب واثناء الحديث مر بنا صاحب هذه الاجهزه واتفقنا معه واعطينا له المقدم من المبلغ المتفق عليه .
واتفقنا ان نذهب اليه انا وصديقى العريس يوم الجمعه بعد صلاة الجمعه مباشرة .وجائنى صديقى بعد صلاة الجمعه راكب عربيه ملاكى سمرا وعربيه نص نقل لكى يحمل عليها الاجهزه .
وكان معنا 3 من اصدقائنا وكان هن بينهم صديق لم اره منذ فتره سالنى اخبارك ايه قلتله الحمد لله قالى فيه اشاعه بتقول انك تبت لله وبدات تصلى وكلمنى بكل استهتار قلتله الحمد لله .
عقبالك لما تتوب وترجع لربنا قالى لمااعمل اللى انت عملته الاول .
قلت ربنا يهديك .
وركبنا العربيات انا والعريس واخوه وابن عمته . فى العربيه الملاكى وكان العريس هو اللى سايق العربيه . وركب صاحبنا اللى كلمنى بكل استهتار فى العربيه النص نقل اللى هتشيل الحاجه وكان معاه السواق .واحنا ماشيين فى طريقنا علشان نروج نجيب العده . كان العريس سايق بسرعه كام مره قلتله ياريت تمشى على مهلك قالى ولا هيمك ماتخافش .
المهم كان فيه حاجه خانقه على صدرى وموش كنت عارف اتنفس . قلتله لا نزلنى نزلنى نزلنى قالى طيب هدى العربيه ونزلت وجه صاحبنا من العربيه النص نقل قالى فيه ايه انت خايف تموت قلتله لا بس موش بحب السرعه الكبيره .
قالى ياعم انت تبت لله يعنى لو مت هتدخل الجنه . قلتله طيب انا هركب ورى فى العربيه النص نقل . قالى خلاص انا هركب مكانك فى الملاكى علشان لو مت هدخل النار .
اقسم لكم بالله ان احنا بدلنا الاماكن ومشينا يدوب 200 متر ولقيت العربيه الملاكى زى الفراشه بتطير من على الطريق وبتتلوى زى التعبان ولقيتها بكل سرعتها دخلت فى شجره والشجره دى كانت على شط ترعه . وطبعا انا راكب العربيه النص نقل وماشى وراهم انا والسواق .
ونزلت بسرعه انا والسواق ابص فى العربيه موش لقيت اى حد الا صاحبى العريس والباقيين نزلو فى الترعه صرخت باعلى صوت . جه الناس جم علينا وطللعو اللى نزلو فى الترعه وشالو العريس من العربيه
والوحيد اللى اتوفى هو صاحبى اللى قالى انزل علشان عايز ادخل النار واللى قالى هتوب لما اعمل اللى انت عملته . ربنا يرحمه هو ارحم الراحمين .
هيا دى قصتى