يا محلى اللمة عند ام سامي /ج3/

[لمسة ملاك]

وبعد مااعطيتها البودرة لتستخدمها وكنا نضحك والوضع عادي راحت لبنت بعرفها
تشتكيني لها بتقلها ملاك جرحتني يعني انا مابعرف كيف اعتني بنفسي
فإجت هادي البنت بتحكيلي تعالي بدي اياكي بموضوع
رحت اسمع لها فحكتلي فلانه زعلانه منك واخبريها بأنك مو قاصدة
فقلت لها انتو كلكم بتعرفو انو الجميع بتضايق من رائحتها وبحكي عنها وكان لازم اجد طريقة لأوصل لها المعلومة وهي كيف بتضحك بوجهي وبتمتدح بالبودرة وبتيجي تحكيلك اني جرحتها ليش ماحكتلي اللي وصارحتني ليش تكلمت من وراي وتركت هادي البنت ورحت
ومارضيت اكلم هديك البنت اللي اعطتها البودرة وكنت افكر طول الوقت اروح اعاتبها ام لا
فكان قراري رحت لنفس البنت وقلت لها انا زعلانه من فلانة
انا تصرفت معها تصرف اخوي ونصحتها لله وهي راحت تشتكي لك
انا ماغلطت معها ولا جرحتها وكنت حريصة اوصل لها المعلومة بدون اي جرح وحاولت افيدها عشان تتلافى هاد الامر بالمستقبل وروحت
فكنت بدي استشيركم هل بتصرفي اخطأت ؟
والله انا ماحبيت يبقى الكل يتكلم عنها ولو كنت بالفعل جرحتها ممكن تتوقى الحذر وتعتني بنفسها اكتر
بدي منكم تنصحوني شو اعمل لما اشوفها بعد كم يوم
انا عم فكر اخبرها بأني زعلانه منها لأنها مااجت وصارحتني وراحت تتكلم لبنت تانيه علما انه هالبنت اشتكت من رائحتها ومارضيت تحكيلها