الرجاء الاجابه سريعا

[Manari]

السلام عليكم جميعا

اسأل الله الشفاء العاجل لكم ولي يااارب

عندي كذا سؤال اتمني الكل يجاوب عليهم ولا يهمل ولا واحد فيهم بس قبل هذا بسوي مقارنه بسيطه

استخدمت القطران ولاني بالكويت فحصلته من الاخ احمد الله يجزاه خير فتره العلاج خلال الشهر الاول الحمدالله راحت القشور الشعر شوي عند معاي بس راح كنت احس بحرقه شديده واحس راسي يكون مشدود وصدااع ومايخف الا ليما احط الكريم بعد مضي شهر خلصت العلبه وصارت مشاكل بالحصول على الدوا بالكويت

بمساعده الخاله مشكوره وماقصرت عطتني رقم عياده او مستشفي ناسيه والله اسمها ادمه حصلت العلبه ب 700 ريال وكبيره ولونها ابيض استخدمتها ماكنت احس بحركه مثل قطران الكويت وطلعتلي حبوب نفس حب الشباب لونها مايل للبني وقامت تتقشر دهنتها بفازلين وخفت شي بسيط صارلي استخدمه شهر و10 ايام للحين القشور براسي موجوده مع ان قطران الكويت راحت خلال شهر علما ان الفتره بين علاجي بقطران الكويت كان شهر 5 وعلاجي بقطران شركه ادمه كان شهر منذ 15-10 والفتره مابين 5 و10 ماكنت استخدم شي

الاسالة :

1- هل قطران ادمه اصلي ممتاز او لأ ؟ لان خلص اللى عندي ومحتاره اطلب ولا لأأ ؟؟
2- بحكم انا كلنا فينا صدفيه ونعاني من جفاف بالشتاء شالحل ؟ شنو تنصحوني اسوي لان ممنوع ترطيب اذا بحط قطران وجسمي صاار حيييل ناشف وجااف ؟؟؟
3- هل من الممكن استخدمت السونا مرتين بالاسبوع كنوع لترطيب البشره ؟
4- هل استخدم المرهم استمر عليه ولا اوقف ؟؟

قبل لا انسى قطران شركه ادمه اذا غسلت شعري حسيت بالحرقه اما اذا ماغسلته مااحس فيها لان مرات احط قطران على قطران يومين ماااغسل الثالث اغسل السبب ليش بعد غسل الشعر حرقه واذا ماغسلته ما احس فيهااا ؟؟


اتمني من الكل الكل يجااااااوب بليز لاني موقفه طلبيتي للقطران بعد ماقريت موضوع الخاله

جااااوبوووني بلييييز عسى يفتحلكم باب فرج ورزق وشفاااء عاجل باذن الله

ومشكووورين مقدما