لا تـكـلـف نـفـســـك (الجزء الثانى)

[ورد جوري]

المشاركة الأصلية كتبت بواسطة ام سامي

رساله للصبايا والشباب
بستغرب يا بناتي ويا اولادي بدي احكي كلام ما بعجبكم واكيد الا ما تملوا منه قبل ما تكملوا القراءه لانكم سمعتوه من اهلكم كتير.
مللنا منكم ومن طلباتكم ولا شيء بعجبكم ولا شيء بسعدكم دائما مالين مملين زهقانين وعايفيين ثيابكم
كنا بتلفزيون واحد وما في الا قناتين عمان وسوريا وبفتح الساعه 5
نشتري لبسه وحده لكل عيد ونبقى فيها العام كله وزي مدرسه لعامين ولاختنا الاصغر نخبيهم تحت المخده الى ان تشرق شمس العيد
كنا نتمرجح بالعيد بمرجيحه عباره عن خشبه وحبلين ونركب الحنتورواحنا مبسوطين
كنا نشرب بيبسي ونذهب للمطعم في العيد فقط نوكل ساندويشه فلافل واحنا اسعد الاطفال
كنا ننتظر العيد لنرى كعك العيد ونسعد بعمله مع اهلنا واحنا بنضحك ونتبادل النكت والمزح
كنا نجتمع على وجبات الطعام وعلى صحن الحمص صباحا واحنا حابين بعض
نمشي على ارجلنا لنذهب مع اهلنا نوكل بوظه في المناسبات ازكى من كل اكلكم
نذهب للمنتزه الوحيد في مدينتي ونحلم بالمستقبل ونخطط ونرسم ونقرأ ونكتب خواطرنا وذكرياتنا
شوفوا الفرق خزانه كل وحده فيكم بنفتح فيها مول لكل لبسه اكسسواراتها وحذائها وحقيبتها
وبتشتري لكل يوم بالعيد لبسه كامله
عدي كم شاله وكم ساعه وكم حذاء وكم حقيبه وكم لبسه وكم نوع من العطرومع هيك ما بنشوف ابتسامه ولا بنسمع كلمه شكروبتشكوا الوحده والحزن وانه حظكم قليل بالدنيا
كم قناه وكم شاشه وكم كمبيوتر وكم لاب توب وكم سياره وكم نوع من الشوكولاته وكم نوع من الحلويات.والعصائر والكعك بمختلف انواعها
المطاعم على طول السنه الملاهي على طول العام صديقات واصدقاء ودخان ومعسل بكل الروائح ومشاويروسيارات والمشكله ما فيك تشوف حدا مبسوط ،قبل ما امك تحكي جوابك حاضر ...وبعدين
انا خايفه عليكم هذا العز ما يدوم لانكم جيل بعبع بتوكلوا وما بتحمدوا
الحمد لله عشنا حياه حلوه ما احلى ضحكاتنا ما احلى جمعاتنا ما احلى اعيادنا
وللكلام بقيه ولكن في المرات القادمه
ام سامي

( وَمَن يَشْكُرْ فَإِنَّمَا يَشْكُرُ لِنَفْسِهِ وَمَن كَفَرَ فَإِنَّ اللَّهَ غَنِيٌّ حَمِيدٌ )
**

يمكن لما يمروا بشي ازمة ساعتها يعرفوا حجم النعم اللي همه فيها
الله يصلح الاحوال وينور طريق هالجيل