(أسئلة لمرضى الصدفية ) ممكن تجاوب على الاسئله ليستفيد منها الاخرون

[ام شادن]

انا من مصر عمري 29اصبت بصدفيه جلديه من حوالي16سنه وعندي صدفيه مفصليه من حوالي 7سنين ابدا لم افقد املي بالله ومازلت ابحث عن علاج برغم الالام المبرحه في العظام وصعوبه الحركه وانا عندي طفلان واعاني ولكن لم يتملكني اليأس ابدا واشكر الله علي هذا الابتلاء وربنا يجعله في ميزان حسناتنا استخدمت علاجات كثيره افضلهم للجلد الدايفوبيت والدايفونكس والشعر كان في مصر كريم اسمه الفوسيل من مركبات القطران بس للاسف غير موجود حاليا وكمان في مرهم ساليبت كويس لكن احذروا من الدرموفيت لان نسبه الكورتيزون عاليه يشفي شفاء سريع ويرجع اسوأ بكتيرزيت الزيتون مرطب حلو للجلد اما العظم فمرحله معاناه عملت سحب مياه من ركبتي 4مرات ولازم بعدها ابره كورتيزون في العظم والا ترجع تاني وراحه تامه اسبوع بدون حركه اخذت ميثوتريكسات طبعا جميله جدا حسيت اني شفيت تماما بس للاسف زي العلاج الكيماوي سقوط شعر بكثافه واعراضها خطر جدا جدا خاصه علي من تريد حدوث حمل فوقفتها طبعا مسكنات باستمرار احلي مسكن ريحني اولفين 100كبسول جربوه حترتاحو عليه قوي حاليا بخد معاه سوليدان والفنتيرن لمنع ارتشاح الركبه وبلاكونييل النفسيه عامل مؤثر جدا لاني اما بزعل بتنتشر اكتر واعتقد انها وراثيه لان عمي نفس حالتي ولكن الدكاتره بيقولو شئ غير مؤكد انا كان شعري ناعم جدا وطويل وكانت الناس تحسدني وانا صغيره وطبعا الان اتدمر كله حتي اول دكتور رحتله قال دي لازم تكون عين والله اعلم كمان شامبو بولي تار مفيد جدا وشامبو ايولين تي اكتر شامبوهات ارتحت لها لاحظت ان كتره المكسرات بتهيج الصدفيه جدا والحمد لله علي كل شئ ورنا يعافينا جميعا