الصدفيـــــــޢޢــــــــه والأحــــــޢޢــــــلام

[جودينا]

مسسسسساء الخير اصداف
هالموضوع خاص لملتقى الصدفيه مو لملتقى تفسير الاحلام ..عشان بس ماتحسبوني غلطانه بالعنوان

صدوفه ورانا ورانا حتى بالاحلام
بس احلام طيبه ومبشره
3 احلام كانت مبشره بزوال مستعمرات صدوفه المعمره
اول حلم حلمته لي مامي ايام المجهود الفردي هع ..قبل ما اعرف المنتدى يوم كانت صدوفه شآآآده حيلها بالحيل تقول حلمت اني كنت في مكان واسع مدري وين وكان مطررررررر غزير وانها كانت واقفه بالمطر وفرحانه وينزل مع المطر بَرَد والغريب انه ينزل مع المطر والبرد تولات (توله) عارفينها؟؟ حقت دهن العود تقول وتنزل بالارض وانها كانت تفتحها وتدهني بالشي اللي بداخلها وتقول بس انا طول الحلم افتح التولات اللي نازله من السما وادهن فيك>> يعني انا
وقالت والله ياجودينا ذا معناته انك بتطيبين
تسلّيت بكلماتها واقول ان شالله وبداخلي مستبعده الموضوع و نسيت السالفه من وقتها

وبعدها بفتره دخلت المنتدى وكان المنتدى كله يتكلم عن تجارب البحر والعلاج بالبحر والكلام كان جدا مشجع تحمست ورحت سفاجا
هناك تعرفنا على ام هبه صعيديه خمسينيه فاضله وقبل مانرجع قالت >>بصي ياجودينا انا مابحلمش كتير بس احلامي مابتخرش الميّه ومش محتاجه تفسير والحلم اللي بحلم فيه بيوقع زي اللي شفته بالحلم بالزبط..خيييير اللهم اجعله خير يامو هبه
قالت والله العـــ(ض)ـــزيم تلاته اني حلمت فيك وانتي جايا لي وبتوريني ايديكي وفارحااانه وبتقولي بصي يمو هبه اتعافيت وانا كنت ببص الها واصلي على محمد ومفيهاش غير اثر بسيييط انما كل ده مش موجود
وواللهي حتطيبي وحتفتكري كلامي..من بؤك لباب السما يمو هبه
وكانت واثقه جدا من كلامها وسعت صدري شوي وكنت شوي متفائله
هذالثاني وخلصنا منه
باقي الحلم الثالث والاخير عاد هالمرا دوري
انا اللي حلمت
حلمت اني كنت امشي بسياره واللي يسوقها هو دكتوري حق تقويم الاسنان >> حتى بالحلم ماساقت
والسياره كانت تمشي بهدوء وكلنا ساكتين والسكه مافيها زحمه والجو اتعب وانا اقول خطييير مطر خفيف وريييييحه مطر وجوانب السكه كانت خضرا وزروع الجو والمكان كان اوروبي خطير وانا احب هالاجواء بس ماكنت مستمتعه ايدي كانت توجعني كف اليد من داخل تحت اصبع الابهام بالتحديد
وطول الطريق وانا متألمه وساكته وشوي حسيت زاد الالم وكأن فيه شي بداخل يدي يتحرك وكأنه بيطلع
رفعت يدي واطالع فيها الا ويطلع من داخل اليد لبرا شي زي الدوده بحجم الاصبع ملفوف وكأنه اصبع ورق عنب وخرج بانزلاق ومن غير الم ولادم ولا جرح ولا شي ارررررتحت
كأن ذا الشي كان موجودبيدي بشكل طولي ..وانا مستغربه كيف شي بطول الاصبع وموجود بشكل طولي بكف يدي المهم فتحت هذا الشي الملفوف لونه كان ابيض يميل للاخضر زي ورق الملفوف (الكرنب) ولما فتحتها كانت دوده زي الفراشه والملفوف حولها هو اجنحتها فتحتها على يدي وغطت كف اليد
وفجئه لقيت نفسي بوسط اهلي واوريهم واقول شوفو وش طلع من يدي
وبس
عاد شوفو تفسيري للحلم..وأأكد على كلمه تفسيري
السياره هي الحياه
والطبيب الساكت هي عدم جدوى العلاج عند الاطباء
الجو والخضار هي الحياه اللي ماكنت مستمتعه فيها بسبه الصدفيه
الالم اللي باليد هو معاناتي مع الصدفيه
والدوده هي الصدفيه وطلعت والحمدلله