مجموعة من الرؤي ارجو تفسيرها سريعا جزيتم خيرا

[أمةالجبار]

السلام عليكم
انا هاكتب هنا مجموعة من الرؤي و أتمني تفسيرها لأني فعلا بحاجة لفهمها و فهم دلالاتها .. أرجو سرعة الاستجابة و جزاكم الله خيرا


السلام عليكم ،،
انا عندي 21سنه و غير مرتبطة ومقصرة في بعض العبادات و من فترة حوالي سنتين باحاول أصلح من نفسي و ألتزم أكتر لكن فيه حاجات التزمت فيها و حاجات لسه باحاول مع نفسي فيها ساعات ألتزم وساعات ارجع اعملها تاني زي : التقصير في الصلاة أحيانا – سماع الأغاني ،، و من حوالي اسبوع كنت في حالة حاسه بقرب شديد من الله و ندم وتوبة و صليت قيام الليل و قعدت ابكي بقوه من جوايا جدا و قعدت اتكلم مع ربنا اني نفسي اتوب و ادعيه يصلح لي قلبي و يخليني متعلقة بيه هو بس و دعيت بالشهادة كتير اوي –و أمنية الشهادة مسيطرة عليا من فترة- و نمت علي وضوء و علي جنبي الأيمن وشفت رؤيا : اني في مكان غريب لا اعرفه و معايا كذا بنت و سيدة لا اعرفهم لكن في الحلم كنت هادية جدا و اعصابي مرتاحة ودخل شخص ملثم من بعيد و الكل اصابه الذعر الا انا كنت باطمن نفسي و باقول عادي لو قتلني هابقي شهيدة و فضلت مبتسمةو مطمنة رغم اني شايفاه بيقرب عليا ، وجه لحد عندي ساعتها اكتشفت اني لابسة فستان طويل وواسع و ساترني ماعدا الاكمام و مكنتش لبسه حجاب علي شعري –رغم اني محجبة اصلا- فبدأت احس في الحلم بشئ من القلق و كأن جوايا صوتين واحد منهم بيطمني و بيقوللي ماتخافيش هتبقي شهيدة و صوت تاني بيعاتبني و يقول لي لو بس كنتي لابسة كويس كنتي اتطمني و ضمنتي الشهادة أكتر ، بعدها لقيته جاب الشال من علي وجهه و غطي بيه شعري و اكتافي و ذراعاتي تماما و حط المسدس علي راسي ساعتها حسيت اني اطمنت اكتر و قلت دي الشهادة ،،
رجاء تأويل الحلم وهل هو مبشر أم منذرو هل ممكن أقصه علي أمي أم لا؟ و هل هي رؤيا أم من الممكن ان تكون من فعل الشيطان لأني فعلا مضطربة من يومها و قلقانة جدا ، و تنصحني بإيه فضيلتكم؟ و جزاكم الله خيرا
-------------------------------------------
ارجو تأويل الرؤيا و بعدها سأستكمل باقي الرؤي .. ارجوكم بسرررررررررررعه