اشتريت القطرن وعطوني النصيحه

[أبو ريماس]

المشاركة الأصلية كتبت بواسطة لون الغيم

السلام عليكم ورحمة الله وبركاته ..

بعد ماقريت موضوع الآخ اللي عرض رقم المندوب اللي فالرياض
اتصلت فيه ودلني على صيدلية الكردي في الرياض طريق الملك عبد الله
تقاطع الملك عبد العزيز مقابل فندق صلاح الدين ..

ماكان موجود وبعدين وصيتهم ولما وصلهم كلموني ورحت وجبته
كانت العبوه لتر بقيمة : 173 ريال
واخذت عبوتين قالو لي انو النسبه 20|%

لكن مش مكتوب على العلبه النسبه ..~

انا صدفيتي صايره مطريه بشكل حبوب وتتقشر
الحمدلله مش صديديه لكن انا ماقاوم الحكه / واحكها لحد ماينزل الدم

فيه تركيبتين مكتوبين هنا وانا اخذت الطريقه اللي فيها
30 غرام فازلين
30 غرام كيناكومب
2 غرام بودرة سالسليك اسيد
30 غرام بيتا ساليك

وركبلي الصيدلي التركيبه بـقيمة / 95 ريال
وعملت علبتين ..

الحين انا لي 3 ايام استخدم الكريم تقريبا خفت القشور بكثير
وصارت الأماكن رطبه .. لانو معروف فالشتاء تكون اكثر قسوه
وتتكسر خصوصا الركب والأكواع

..

اولاً ..
متى تنصحوني انو ابدا بالقطران ..؟

هل العطر يضر بالصدفيه ..؟

هل الحناء تضر بالصدفيه ..؟

انا استخدم صابون ديتول الجل .. هل يضر بالجسم ..؟

كيف اعرف انو بدى مفعول القطران بعد مااستخدمه ..؟

ذكرتو انو العلبه لابد تكون بعيده عن الضوء .. وانا جلدتها بتجليد قاتم اللون ..
هل الضوء العادي للغرفه يضر بالدواء ..؟

اذا كان القطران مش النسبه اللي ذكرها الأخ قيس والمطلوبه
انا لي اقارب في سوريا ووصيت على القطران الخام من لبنان

ابغى اعرف كيف اركبه اذا وصلني ..؟

وبس

الله حيها

من طول الغيباات جاب الغنايم

بشرينا عنتس لوون عسى امورتس زينه ان شاء الله

وينتس وين الغيبات

ابشرررري بالخير وانا اخوتس وقدامتس العافية

وصدقيني القطران العلاج النهائي باذن الله

بس لا تكبرين الامور وتدققينن و تشغلين عمرتس

اهم شي ان كان القشور واجد فعليتس بالمرهم المكون من المراهم الثلاثة

30 جرام كيناكومب ( عصار واحد )
30 جرام ساليسلك أو دايفوبت ( عصار واحد )
40 جرام فازلين

مرتين في اليوم ثم تسبحي في الليل وادهررري على القطران وقدامتس العافية

المهم لا تستعجلين الامور قبل 3 شهور وصدقيني بتشوفين شي لا تصدقه العين

بالتوفيق وانا اخوتس