أرجوك فسرلي حلمي لاني قلقانة

[Tolay]

السلام عليكم ورحمة الله وبركاتة
انا امبارح صليت العشاء وبعد كده صليت استخارة عشان بعمل عملية حقن مجهري والموضوع عمال يتعقد إدعولي ربنا ييسر لي الأمر أنا صحيت من الحلم وقت إقامة صلاة الفجر .
المهم شفت إن أنا في صالة مكان واسع أوي زي مسجد وكان في رجالة كتير وسيدات برضه أحسهم من العائلة وأنا كنت عايزة أصلي بس هما قدامي ووشي ليهم وهما شايفني وأنا بصلي , وأنا بسجد لقيت راجل كبير بيزعقلي وبيقلي تسجدي إزاي مش شايفة اللي انتي هتسجدي عليه إيه فببص لقيت ملوخية مطبوخه واقعة وبواقي أكل المهم شلتها وبعدين بصيتله وأنا مدايقة منه وبقله ها أصلي بقى ... المهم بعد كدة قلنا كلنا هنصلي فهما وقفوا 3 صفوف بس مش متساويين فانا قلتلهم إيه ده استووا يا جماعة الرجال والشيوخ في الصف الأول وبعد كدة الشباب والولاد الصغيرين وفي الأخر النساء والبنات المهم وأنا بصلي إكتشفت إن أنا مش على وضوء ولقيت الراجل ده بيبصلي أوي وكأنه عارف إن أنا مش متوضيه المهم خفت منه وقلت أنا هتكسف أطلع من الصلاة وعملت إن أنا بصلي لكن مش بقرأ قرأن مجرد حركات لأداء الصلاة وف بالي إني هتوضأ وهعيد الصلاة تاني وبعد كده صحيت بس أنا خايفة أوي أرجوك طمني .

الحالة الدينية الحمد لله بصلي بس ممكن وأنا في الشغل الضهر أو العصر يفوتوني وبقرأ قرآن زوجي صلاته مش منتظمة
متزوجة بس معنديش أولاد إدعولي ربنا يرزقني
وقت الحلم كان وقت الفجر تقريباً قبل إقامة صلاة الفجر وهل الحلم له علاقة بالإستخارة؟