رأيت أن أمي احترقت

[عبير عبير]

السلام عليكم ورحمة الله وبركاته

حلمت إني مع أهلي في غرفة وكان عندنا آلة جديدة - ما اذكر وش هي - وفجأة هذي الآلة خربت ، وكان فيه ماء في الارض ، فخفنا كلنا إنه يحصل التماس كهربائي مع الالة ، بعدين أمي جت قالت لنا اطلعو كلكم من الغرفة وانا بفصل الالة من الكهرباء
كلنا طلعنا وبقت امي

وانا رحت أدور على العداد الاساسي عشان اطفي الكهرباء كلها لأني كنت عارفة إن امي مارح تقدر تطفي الالة وانها بتموت لو حاولت من قوة الالتماس

كنت ادور على العداد بمكان بالبيت على أساس انه غرفة لملابس اختي الكبيرة المتزوجة اسمها (منى) ، وادور بسرعة واهلي كلهم مطنشين ولا كأن شي صاير
وانا ادور على العداد بداخلي اقول لنفسي إنت ليش قاعدة تسوين كذا خليها تموت إنت طول عمرك تتمنين إنها تموت - بيننا وبين أمي مشاكل كثير وصلت إلى حد إني اتمنى هذا الشي دائما - مع ذلك كنت ادور على العداد لأن ضميري مب مرتاح واذا بيدي اني اساعدها لازم اساعدها

قعدت انادي اهلي يدورون على العداد ويطفونه بس كلهم سافهيني ومطنشييين وولا همهم حتى باللي صاير في امي

بالاخير جو هلي كلهم لعندي وهم مبتمسين - ببلاهة - ! ويقولون لي ان امي احترقت بس عاشت وخلاص ما صار شي

وانا كنت جدا خايفة ومتوترة ورحت اركض الى امي واشوفها جسمها مليان حروق ودم وقاعدة بشكل عادي ما تتالم ولا شي ومبتسمة - ببلاهة مب براحة ! -

بعدين طلعت من عندها ومب مستوعبة وش قاعد يصير وليش هم كذا مطنشين ويضحكون ورحت عنها ومشى وراي أخوي الكبير (أحمد) وكان يكلمني وانا سافهته وغسلت ايدي بالمغسلة وقضى الحلم .

حلمت هذا الحلم قبل حوالي شهرين أو ثلاثة وما زال التفكير فيه يؤرقني ، أرجوكم أريد تفسيره

- أنا فتاة غير متزوجة عمري 21 .