اتمنى التفسير جزاكم الله خيرا ...

[شهودهـ]

السلام عليكم ورحمة الله وبركاته


أسعد الله أوقاتكم بكل خير

عندي 3 أحلام لي وللوالدهـ الله يحفظها وأختي أتمنى تفسيرها

وأعتذر ان وضعتها مع البعض لكن أتمنى التفسير ان أمكن وجزاكم الله خير

هذا حلم الوالدهـ الله يطول بعمرها عمرها 43 تقريبا

حلمت انها كانت في المستشفى هيا والوالد وسوت تحاليل الوالد مارضي يقول لها نتيجة التحاليل رجعو البيت شافتنا احنا بناتها والوالد فرحانين وكأننا نجهز حفله ومفاجأه لها صارت تسأل ايش فيكم وايش سبب الفرحه واصرت فقلنا لها انتي حامل امي صارت تقول بإستغراب وعدم استيعاب كيف حامل وانا ماعندي رحم وتحس نفسها تبغى تفرح بس مستغربه من الموضوع قلنا لها الدكتور قال نتيجة التحليل حمل صارت تعيد علينا كيف تصير وانا شلت الرحم ... انتهى


الوالده قبل سنه ونص سوت عملية استئصال الرحم بسبب وجود تليف


......................

وهذ حلمي ..

حلمت بأني نائمه على سريري وسمعت صوت الدرل من عند الجيران فقمت من النوم منزعجه ورحت أفتح باب غرفة النوم أول مافتحت الباب نزل علي من السقف ثعبان كبير لونه رمادي خفت وصرخت وقفلت الباب واتصلت على اختي وهي جالسه بالصاله قلت لها لا تجي جهة الغرفه في ثعبان الا هي جات شافته صرخت ودخلت غرفة نوم أخواني بجانب غرفتي وبعدها الوالد الله يحفظه وحارس العمارهـ جو وقتلوا الثعبان بضربه بعصا على الجدار وبعدها كأن غرفة نوم أخواني مظلمه وان في شيء حاصل فيها انحرقت أو شيء ماكان واضح لكن في شي وان فيه رجالين ماكان واضح أشكالهم الرجل الأول يقول للثاني تعال ندخل للغرفه نشوف وش صار فيها لكن الثاني كان رافض فالأول سحبه ودخلوا للغرفه وكان الاول بيخرج الا الثاني صار يصرخ وخايف ويقول شوفهم رجعو شوفهم رجعو وكانوا خايفين كان ظاهر خيال أشخاص على الجدار وبعدها انا خفت ورحت لجهة باب الشقه وكنت أقول الشيطان يتوب وارجع اقول كيف الشيطان يتوب ووصلت للحمام اللي عند باب الشقه كان مظلم والباب مردود جيت أقفل الباب الا سمعت صوت السيفون انفتح خفت وشردت وصحيت من النوم جدا خائفه ومفزوعه وكنت أردد لمن صحيت أعوذ بكلمات الله التامات من الشيطان الرجيم .... أنتهى

.....................

وهذا حلم أختي ...

حلمت انها رايحه المشغل تستشور شعرها واتفاجأت ان بالمشغل صديقتها المقربه جدا منها واخت صديقتها يشتغلو فيه جات صديقتها قالت خلاص انا بستشورلك تعالي واجلسي هنا شويه واجيكي وجلست على كرسي وقدامها مرايه الا واختها مسكتها تبغى تستشورلها جات الاولى وقالت انا اللي قلت بستشورلها قالت لا خلاص انا بمسكها بس اللي اختي كانت تشوفه انها ماتستشور لها لا ترفع شعرها على فوق وتسرحلها واختي صارت تقول في نفسها اشبها انا ماطلبت تسريحه ابغى استشوار وبس لكن في نفس الوقت اختي سكتت لانها عجبتها التسريحه وشويه جات وحده على انها في الحلم اختي تعرفها فجات البنت تمزح معاها ورمت على اختي شيء اختي صارت رافعه رجولها وتدور ايش الشيء اللي رمته ولقتها وزغتين صارت تصرخ وقامت من فوق الكرسي تجري الا وشوي تشوف نفسها في غرفة نومها وطلعت فوق السرير تهرب من الوزغتين والوزغتين يجرو وراها وطلعو معاها فوق السرير شوي اخويه الصغير جا ومعاه منشفه ضرب الوزغه الاولى بالمنشفه وطاحت على الارض وماتت صارت اختي تصرخ وتأشرله على الوزغه الثانيه جا ضربها بالمنشفه ماهي راضيه تموت ضربها مره ثانيه ونفس الشيء ما ماتت راح مسكها بيده وضغط عليها وماتت .. انتهى


بياناتي انا وأختي برسلها على الخاص أفضل


آسفه على الاطاله واتمنى التفسير أثابكم الله الجنه