نيفيا سوفت لعلاج البهاق

[شقررديه]

السلام عليكم ورحمة الله وبركاته

كنت ابحث بالنت عن علاج للبهاق فلقيت كثير يتكلموا
عن كريم نيفيا سوفت
لكن مااقتنعت فيه يعني ممكن يكون مجرد دعايه للمنتج
وخايفه اشتريه واحط املي فيه واتحطم لانه مافي نتيجه تعبت وربي

المهم اسيبكم مع الموضوع اللي قريته

,,,,,,,,,,,,,,,,,,



السلام عليكم ..
اخواني / اخواتي

بقول لكم وش صار معي
عشان تستفيدون ولا تضيعون الفرصه

تجربتي..

بعمر 8 سنوات جتني صدمة نفسيه (وانا صغير كنت حساس)
وجاني البهاق وجلس معي لين صار عمري 15

طبعاً في الفترة ما بين 13 إلى 14 سنة من عمري
كنت في وحدة من مستشفيات التجميل (اللي عارفه نفسها)

طبعاً تعالجت بجهاز الناروباند وبعدها بالليزر
المشكلة إن الناروباند يخلي البشره سمرا
والمشكلة فالعلاج كله إن المرض يرجع لي أول ما ابتعد عن المستشفى
كنهم يبوني ارجع لهم وادفع زيادة

طبعاً الله لا يوريكم
دفعت ما يقارب العشرة الآف
وجلست سنة وانا اتعالج عندهم
وكل ما راح المرض مني وابتعدت عنهم جاني المرض مره ثانية

المهم
العلاج اللي استخدمته كان بسيط وبين يديني من اول بس ما لاحظت

كان فيه كريم كنت استخدمه نيفيا سوفت Nivea Soft
طبعاً الكريم هذا تلقونه فالصيدليات (انتبهوا لا تاخذون التقليد اللي فالبقالات .. لأني سبق ولقيت نفس الكريم مقلّد)

الكريم كنت استخدمه قبل ما انام عشان اول ما اصحى القى البشرة انعم وافضل

بس الصدفة اللي خلتني القى العلاج
إني في يوم كنت مسافر مع الأهل بالسيارة
وحطيت الكريم ونمت
والشمس جايه عليه
طبعاً يوم وصلنا لوجهتنا
لقيت البهاق فيه نقطة غامقة (نفس طريقة علاج المستشفى)
واستمريت عليه
كل يوم
بعد صلاة العصر احط الكريم على المناطق الي فيها بهاق(فقط)
واجلس خمس دقايق فالبيت عشان تمتص البشره الكريم
وبعدها أطلع للسطح أو الحوش عند الشمس
وانزل ملابسي واخلي الشمس تجي على كل المناطق اللي فيها بهاق
يوم ورا يوم
بعد اسبوعين
كانت المناطق اللي فيها بهاق مغطاه بلون اغمق من الجلد الطبيعي
وبعدها صرت استخدم الكريم بس اجلس فالبيت ولا اطلع للشمس
وبدت تمتزج البشرة وراح اللون الغامق وصار مثل الجلد العادي
والحمد لله بعدها ماعاد جاني مره ثانية

والله شفاني
,,,,,,,,,,,,,,,, وعسى الله يشفيكم
ولا يوريكم مكروهـ</I>