عفوًا... أنت المسؤلة عن ابتعاد زوجك...

[شيماء مجدي]

السلام عليكم ورحمة الله و بركاته

بارك الله فيكي بجد نفسي أخد كلامك و أوريه لكل زميلاتي في الشغل لأن دايما دي نقطة خلاف بينا لأنني أنا لسة مش أتجوزت و دايما لما يحكوا عن خلافتهم أقولهم أن هما اللي غلطانين لأن الزوجة لازم تحط زوجها جوه عنيها و تديله بجد كل الحب و الحنية اللي جواها اللي هي بتبقي محوشاها طول عمرها ليه هو بس و لأن اسلامنا قالنا كده فدايما يردوا عليا أني مش علي أرض الواقع بس انتي بداتي تطمنيني
و علي الرغم اني لسة متجوزتش لكن هقول رأيي و ياريت كل زوجة تحاول تجربة و يارب تكون النتيجة خير يارب انا رأيي أن الزوجة اللي أدت حياتها فعلا و مستقبلها لزوجها متستخسرش فيه أي حاجة لأن ده جوزها اللي ربنا أمرها بطاعته فبالله عليكي يا أختي حاولي تدي جوزك كل الحب و الحنان و الاهتمام اللي عندك اديله كتير كتير كتير و متستنيش مقابل و ان شاء الله ربنا هيهديهولك يارب و تعيشوا سوا في أحلي و أسعد حياه علي طاعة الله و سنة رسوله و يرزقكم ربنا بأحلي ذرية صالحة يارب .
اسمعي يا عروستنا اسلامك قالك ايه ، جوزك ده هو روحك بعنيكي تحافظي عليه
اتعاملي معاه بلين ، يفرح بيكي الأمين