الثقة بين الأبناء والأهل ؟؟ إلى اي حد وصلت ؟؟؟

[الريحــانة]

بسم الله .
الصلاة والسلام على رسول الله ......................................،
حبيت اليوم افتح موضوع لاحظته في زماننا هاذا ، موضوع بين الأبناء و أهلهم هو الثقة بين الأهل والأبناء ، هاد الموضوع صراحة شغل بالي كتير خصوصا إنه في الآونة الأخيره بدأت اشاهد مظاهر تثير إعجابي ، لما أشوف بمجتمعنا الإسلامي إنه الطفل يلي عمره 7 سنوات ولا 9 سنوات ماسك موبايل بإيده ، موبايل ؟؟؟؟موبايل ؟؟؟؟ آه موبايل ، ليــــــــــــه ؟؟؟شو بيسوي بالموبايل ؟؟؟وبهاد العمر ؟؟؟
بيراسل رفاقه بالمدرسة ، وليه وهل رفاقه عنده موبايل ؟؟،آه ولا ، كلهن عندهم موبايل ، إلا بس الفقة المتخلفة منهن بالصف ، هيك هم ، حتى إنه أنا تفاجئت أخوي الصغير بالصف التالت الإبتدائي جاي يحكيلي : هاجر ليه ما عندك موبايل ؟؟أنا بخلي بابا يجيبلي موبايل عن قريب ؟؟؟ جاتني صدمة حكيتله : ليه موبايل بعدك صغير أنا لحالي ما جايبة ، المهم فتحلي موضوع إنه كل رفاقه عندهن موبايل وبيضلوا يجاكروا فيه ،ومو هيك وبس وبيشغلوا أغاني يعني أسلوب مسخرة ، بالمدرسة بيوخدوا موبايل؟
ولما نسأل الأهل يحكوا ؟؟ما يرضالي اشوف ابني واقف ادام صحابه ويشحت منهم موبايل ؟؟كرامته وعزته ، وبعدين أنا بثق فيه ، يعني حجة أغبى من الطلب .....، أنا بس أمشي وأشوف يلي بتاني ابتدائي حامل موبايل بيجيني شعور إنه الزمن تغير وإنه هاي علامات الساعة ، ما بعرف والله ، حتى بالنسبة للإنترنت وللأسف نص الأمهات صايرين يثقوا في بناتهم بطريقة غريبة ، طارت زي الزلام تطلع وقت ما بدها وتفتح الإنترنت بدون رقيب عليها إنه كل واحد له ضميره والله بيشوفه لكن الزمن تغير
أي مواقع تدخلها حتى إنه بمدرستنا صايره برامج دعائية تتعمل للبنات من كتر ما شافت إدراة المدرسة إنه البنات بيبعوالبعض الموبايلات وقصص وقصص كتير يقشعر لها البدن وسببها عندما تثق البنت في بنتها ثقة عمياء ، نعم ينتج عن هذا علافات وفساد وبدل أن كنا عماد الأسرة نصبح سبيل هدمها هدانا الله ، فالأهل برأي إما يكون شك بأولادهن شك ما بمحله ،وأتذكر رفيقتي هيه أصلا البنت هاي داعية بالمدرسة ومنيحة كتير لكن إمها بتخاف لعيها ادرجة بتشك فيها ، حتى إنها بتتلصص على حكيها بالتلفون وعلى الإنترنت بتوقف فوقها ما تقوم ، صح إنه الواحد يخاف على ولاده وكمان يعطيهن ثقة بس بدون هاد الغلو يعني لا ثقة عمياء وشك بدون حدود ، فبدي أرائكم بهالموضوع وخصوصا المتزوجين ومن لديه ابناء كيف تكون معامتلهن مع ابناءهن بالنسبة للثقة ؟؟؟؟
ولكم جزيل الشكر .