ودي اموت اليوم واعيش باكر..

[المسلمة الملتزمة]

سأل فضيلة الشيخ ( عبدالرحمن السحيم )


السلام عليكم و رحمة الله و بركاته
شيخنا الفاضل
ما حكم هذه الأنشودة وهل هي من ( تمني الموت المكروه ) ؟
وهل يجوز علينا سماعها ؟

ودي اموت اليوم واعيش باكر
واشوف منهو بعد موتي فقدني



ومنهو حملني لين ذيك المقابر
واشكر أنا كل من كرمني ودفني


وبشوف يرثيني انا كم شاعر ؟
ومنهو تركني وماكتب شي عني


شخص ٍ تعنى لي مع انه مسافر
وشخصٍ قريبٍ وأنا ميت طعني


وشخص يمثل دمعته ماهو قادر
وشخص تطيح دموعه كل ماذكرني


ومنهو من أهلي في العزا كان حاضر
ومنهو دعا لي في صلاته ورحمني


ومنهوبنى باسمي سبيل ومنابر
ومنهو يفز قلبه إلا من لمحني


ومنهو عشاني طول الأيام ساهر
ومنهو ثلاث أيام راح وتركني


ومنهو يرتب غرفتي والدفاتر
وإن شاف صورة لي مات وحضني


يالله عسى ماتغفى كل المشاعر
ويالله عسى ماينصدم يوم ظني


خايف يروح العمر وأكون خاسر
وإن طار طيري مايفيد التمني


وخايف يجني وقت أكسر خواطر
إن دارت الدنيا وزماني كسرني


ومدام هذي الدنيا صارت مظاهر
وكل من على كيفه وجوّه يغني


صحيح مسلم لكن الهم كافر
كل مابغيت اضحك يهددني حزني


الضيف وافي والحزن حيل وافر
والجرح اكثر شي شفته يحبني


عايش وميت بين ماضي وحاضر
والصبر مفتاح الفرج ضاع مني


قل وش تبي وتتركني ياحزني آمر
مسكين فرحي تصدق أنه وحشني


شاعر ولكني ماني بشاعر
ودي أموت اليوم وارتاح مني


وجزيت خيراً



جواب فضيلة الشيخ عبد الرحمن السحيم - حفظه الله -
الجواب :
وعليكم السلام ورحمة الله وبركاته

قوله في أولها : (ودِّي أمُـوتْ اليُـوم . وأعيـش باكـر)
ليس على سبيل تمنّي الموت ، بل ليرَى ما ذا جرى بعد وفاته

وأما قوله في آخرها : (ودِّي أمـوت اليـوم وأرتـاح منِّـي )
فهو الذي على سبيل تمنّي الموت ، وهو منهي عنه



وقد سبق
هل يجوز تمني الموت في زمن معين بذاته ؟
http://www.almeshkat.net/vb/showthread.php?t=77623

ما حُكم تَمنّي الموت ؟
http://almeshkat.net/index.php?pg=qa&ref=825


وأما قوله : (مسكيـن فرحـي / تصـدِّق إنَّه وحشنـي)
هذه نظرة تشاؤم ، بل يُخشى أن تكون مِن كُفران النعمة ؛ لأنه لا حُزن يدوم ولا سُرور .
بل دوام الحال مِن المحال .

والله تعالى أعلم

المصدر :
http://www.almeshkat.net/vb/showthread.php?t=89972