* * شيطان يعظ * *

[العدنيه]

الشيطان يعظ

بلا حجاب بلا وجع قلب

دروس شيطانية لردودك على الجماعة بتوع حجاب المرأة انا عايزك تكوني أستاذه فى الردود عليهم مش عايزك تسمعيهم وتسكتى

التفاصيل

اهلا بيكم فى سلسلة محاضرات شيطون فى حجاب المرأة وهى مجموعة محاضرات خلاصة العقل الشيطانى تهدف الى توعية المرأة فى مسائل الحجاب
طبعا أنا عارف أنك عايزه تعيشى حياتك وتنبسطى لكن أصدقائك البنات مصدعين دماغك بموضوع الحجاب ودايما بيقولوا أنك بالحجاب أحسن فتعالي أوضح لك الردود عليهم

- عندما يقولون الحجاب على شعرك أجمل

ردى وقولى

لا انا شعرى طويل وناعم اصفر وصارفه عليه 200جنيه ازاى أتحجب و الشباب ماينبهروش فيه ده حتى حرام عليهم وبعدين الدين بتاعنا حلو ومش بتاع تعقيد

حيردوا ويقولوا

الشباب كده هيفتن بيكى وحياخد سيئات وانتى كمان حتخدى سيئات

ردى عليهم وقولى

أنا هتوب فى المستقل ولو على الشباب مهما كده كده واخدين سيئات

حتلاقي واحده تقول لك

ممكن تموتي قبل ما توبي
ردى

يا ستى...... الأعمار بيد الله انا هموت على الستين زى تيتا وجدو وبعدين أنا لما بعدى الشارع ببص على يمينى وعلى شمالى يعنى مش حموت فىحادثه

هيدخلوا عليكى من باب الدين والقلب والاعمال الصالحه

ردى وقولى

أنا عارفه أن الايمان فى القلب وان الجوهر أهم من المظهر وانا اعرف بنات محجبات لكن سلوكهم مش كويس واعرف راقصات بيحجوا ويعملوا عمره




حيردوا هما ويقولوا
راقصات ايه وعمرة ايه اللى بيعملوها لأن الذى يبنى على باطل فهو باطل

ردى وقولى

باطل باطل المهم اعيش حياتي ولما اتجوز يبقى جوزي يحجبني

هيردوا

جوزك حيمل منك بعد الجواز علشان هو شايفك بالمكياج والصبغة وبعد الزواج هيشوفك على حقيقتك

ردى وقولى

لو ومل منى وزهق منى هاخلعه فى ساعتين وحعيش حياتى برضه
حيرجعوا يكلموكى ويقولوا




طيب حتصلى ازاى وانتى من غير حجاب

ردى وقولى

انا بجمعهم فى البيت أخر اليوم

حيقولوا طيب ده جمع الصلاه حرام

قولى

والله ربنا هيغفرلى ذنبى وخليكى كده على طول ياقمر
شعرك ظاهر والبسى بناطيل واسترتشات وبديهات وعيشى حياتك
لكن خدى بالك أنا معاكى فى الدنيا انما فى الاخره ما ليش دعوه بيكى أه انا مش ححمل عذاب النار

استاذك شيطون
والى لقاء فى درس اخر

اللهم ثبتنا على دينك وانصرنا يا أرحم الراحمين

آمين ..... آمين








منقول