اخصائية الاعشاب مزين عواودة تكتشف وصفة لعلاج الصدفية

بدويه نت · #11 18-11-2010, 04:11 AM

هلا بك دكتوره
والله يوفقك لكل ماهو خير

1- انا اتبعت نظام الماكروبيوتك وابتعدت عن كل الممنوعات اللى ذكرتيها في احد الردود
وزدت عليها ميزو واعشاب بحر ولى تقريبا شهر وزياده [ والصدفيه هي هي ماتغيرت ]
لكن اليوم اكلت ولخبطت فى النظام [ تعرفين عيد ونااس وفرحه ] وشربت بيبسى واكلت حلويات

وناويه ارجع للنظام من بكره .. ومدرى اذا ينفع ؟
والاّ يعتبر انى باديه من جد وجديد ؟

2- هل غسيل القولون ضرورى لحالتى [ صدفيه باطن اليدين والرجلين ] ؟
لانى استخدمت اعشاب لغسيل القولون عباره عن صبر [ صبار ] وحاجات ثانيه
وافكر انى اسوى غسيل قولون بالمستشفى .. بينفع لى ؟

3- صدفيتى عباره عن تشققات فى باطن اليد [ تشققات طوليه مع جفاف شديد ]
وتحت هالتشققات بقع برتقاليه باهته ... واحيان تختفى البقع لكن التشققات تظل زى ماهى ويظهر دم بعض الاحيان .. وبصراحه صرت اشك ااذا هى صدفيه أو لا ؟! لان ماعندى قشور فضيه بنووب
شلون ادرى ان اللى فيني صدفيه ؟ للان ثلاث دكاتره قالوا لى اكزيما وثلاث دكاتره قالوا لى صدفيه

ياليت ياليت تردين على اسئلتى لانها شاغله تفكيرى بشكل ماتتوقعينه
والف شكر لك

الذين يشاهدون محتوى الموضوع الآن : 1 ( الأعضاء 0 والزوار 1)

🤍 قناة "وَشِفَاءٌ لِّمَا فِي الصُّدُورِ" 🤍