حلمت بيهود ياتري خير؟؟؟؟؟؟؟؟؟؟؟

سما الدنيا · #1 21-10-2010, 03:46 AM

السلام عليكم ورحمه الله وبركاته

والله ان عايزه الرؤيه دي تتفسر

مع العلم ان احلامي معظمها بيتحقق

هوا حلم غريب اللي انا فاكراه منه

اني كنت في بيتنا وكان في رجاله كتير اوي وكانو واقفين صفين متوازين في الصاله بتاعتنا او في البيت من تحت

مع العلم ان الصاله بتاعتنا طولها 14 متر

وبطولها واقفين رجاله علي الصفين بشكل متوازي

وانهم كانو يهود وانا كنت مضايقه اوي ان في يهود في بيتنا

وكانو بيصلوا كلهم وانا كنت واقفه قصدهم

فحسيت اني منعاهم من الصلاه فقولت ادخل الاؤضه بتاعتي وقولت في بالي ان كل واحد حر في اعتناق الديانه الخاصه بيه

فقولت انا كده بعطلهم عن الصلاه مع اني كرهاهم بس بعدت عشان يصلوا عشان ده حقهم

وكان معايا اختي واسمها مياده وجوزها اسمه محمود وماما واسمها اميره واسمها الحقيقي عدويه بس احنا مش بناديها بيه بنقولها اميره من زمان

قولتلهم يلا نصلي مع بعض جماعه نوريهم الصلاه ازاي

عشان يعرفوا اننا علي حق وانهم علي باطل

وصلينا بس لما خلصت صلي لقيت ان انا واختي كنا بنصلي مع بعض بس كل واحده لوحدها (صلاه فرديه) وان محمود وماما صلوا مع بعض صلاه جماعه

فكنت مضايقه وقولت ياخساره فاتني ثواب صلاه الجماعه

وكنت الصلاه صلاه الظهر والله اعلم

انا انسه وتديني متوسط

ارجو الافاده وجزاكو الله خيرا

الذين يشاهدون محتوى الموضوع الآن : 1 ( الأعضاء 0 والزوار 1)