اقسمت بالله عليك ياشيخ عايزة تفسير

[الله ناصرى]

السلام عليك ورحمة الله وبركات
انا حلمت انى ماشية فى طريق الطريق دة انا مش عارفاة بس هو فى بيوت لسة بتتبنى يعنى مش عمران بالناس وان الطريق دة فى بيت بتاع اخى اسمها امانى
بيتبنى وفعلا اختى دة بتبنى بيت فى الحيقية يا شيخ
المهم الطريق دة كان مظلم ومفهوش نور خالص وكان معايا بنت اختى اللى ذكرتها لحضرتك فى الاول وبنت اختى دى اسمها ريهام المهم وانا ماشية انا وبنت اختى دى وصلنا عند باب البيت بتاعهم الجديد لاقيت بنت اختى دى بقت اتنين واحدة اللى كانت ماشية معايا واقفة بجوارى والتانية اعدة عند بابا البيت والبيت مظلم والشارع مظلم جداااا ومفيش اى حاجة منورة فى الشارع غير القمر فى السماء المهم راحت بنت اختى اللى كانت جاية معايا دى واقفة جابى والتانية اللى اعدة ادام البيت راحت جت وقفت قدامى وراحت قالتلى تحبى تاخد نصفك التانى تاخدى القمر بتاعك على فكرة هو وراء الباب بتاع البيت فانا قولتلها طيب هاتية وبصيت على باب البيت لاقيت باب حديد ومقفول بسلسلة المهم راحت هى حطيت اديها فى جيبها عشان تجيب المفتاح وتفتح الباب وانا متاكدة ان المفاتيح فى جيبها راحت قالتلى المفتاح مش معايا دلوقتى فانا زعلت كدة وجيت اكمل مشى فى الشارع انا وبنت اختى اللى كانت جاية معايا فاديتها ظهرى عشان امشى راحت مسكتنى من كتفى وقالتلى متزعليش اصبرى بكرة القمر هيبقى بدر
وصحيت من المنام على كدة

مع العلم اليوم دة اقمت الليل كان ليلة النصف من شعبان
وكان صابح يوم الجمعة وصحيت واذان الجمعة يأذن