|
|||||||
| علاج مرض الصدفية والامراض الجلدية ملتقى يختص بعلاج الامراض الجلدية ومرض الصدفية المزمن وآخر ما توصل اليه العلم حول هذا لمرض |
|
|
أدوات الموضوع | انواع عرض الموضوع |
|
#1
18-10-2010, 08:37 PM
|
||||
|
||||
رحلتي للهند
الـــســــلام عـــلـــيــــكــــم ورحــــمــــــه الـــلّــــه وبـــــركـــــاتــــــه كــــيــــف حــــالــــكــــم يـــــا إخـــــوانـــــي ويــــا أخــــواتـــــــي أن شـــــاء الـــــلّــــه بـــــخــــيـــــــــر سوف اكتب لكم اليوم عن رحلتي للهند ذهبت للهند بتاريخ 7/10/2010م الإقلاع الساعة :10 صباحاً وتم عمل الحجز لسائق أهم شي قبل السفر وتم أبلاغة بالوصول بعد ثلاث ساعات من الإقلاع وركبنا متجهين للبحث عن الفندق القريب من العمل ولكن لم نجد الفندق المناسب لنا وتم التوجه لمنطقه كولابا القريبة من تاج محل والقريبة من بوابه الهند لان العرب يتواجدون بكثرة في منطقه كولابا لوجود الفنادق بكثره فيها ولي وجود المطاعم المناسبه للخليجيين والاسواق المنتشره على الطريق وتم السكن في فندق انتيك و بعد ما خلصت من العمل إلي كنت رايح علشانه تفضيت لصدوفه الحلوة سئلت السواق المرافق لي الخاص قرنام عن أفضل الدكاترة لديهم لعلاج الصدفية ودلني على دكتور استشاري كبير عندهم ومن حسن الحظ انه موجود بالهند لأنه يتنقل من الهند إلى دبي إلى امريكاء الوكاد إني جيته وحصلت قدامي ثلاثة نفر جلست انتظر وأتطلع في الشهادات ألي حاصل عليها طبعاً محاكيكم مايفهم شي بالانجليزي بس وصيت السواق حقي وترجم لي الشهادات إلي حاصل عليها وقال هذا نفر ميه ميه مافيه خوف هذا إيجي نفر كثير من برا من شان شوف وأيد زين دكتور سألته وش اسم الدكتور قال / Dr. Satish Bhatia قالت ياخوفي لا تسوق لبن بلدك قال ايش قلت سلامتك الوكاد دخلت على الدكتور وسألني عن مده الصدفية معي وسألني عن المناطق المتواجدة بها صدفية وسئلني عن العائلة هل يتواجد بها هذا المرض وسئلني عن العلاجات التي استخدمتها من قبل وبعدها طلب مني أسوي تحليل كامل لدم وللبول أعزكم الله واسوي أشعة لصدر وقالي تعال بكره أشوف التحاليل واكتب لك العلاج جيته اليوم الثاني قبل لا تفتح العيادة بنصف ساعة علشان ما أنلطع بالانتظار وجيت وبرضه حصلت واحد جالس ينتظر الدكتور جلسنا ننتظر الدكتور لحد ما وصل وبعد ما جاء دوري دخلت عليه وشاف التحاليل وكتب لي علاج عبارة عن ابره تؤخذ كل مده ستة أشهر وقال أنتى سوي هذي الإبرة إيجي كويس قلت الابره هذي فيها كرتيزون قال لا مافيه كرتيزون ابدآ وهذا الابره فيها فيتامينات بس وهيا لسى جديد وهذا اسم الابره إلي بيقدر يفيدنا فيها أكثر REMILADE(INFLIXIMAL) وكتب لي مرهمين يخلطان مع بعضهما وتدهن المناطق المصابة بالصدفية DAIVOBET CREAM OILATUM CREAM وقام من الكرسي كأنه يصرفني يقول إلي بعده قلت عزا لله أنها كرشه قال ايش قلت سلامتك بس ما راح اظلمه شكله مضغوط بالعمل بالمرة وبعدها وداني السواق لي اكبر صيدليه عندهم وسئلت عن الابره وقال مافيه موجود وإعطاني الكريم الاثنين قلت بلاش من الابره راح أسئل عنها وبعدين اشتريها وفي اليوم الثاني قال السواق أنا ودي انتى لدكتور أعشاب ميه ميه قلت خل عنك دكتورك انا ابغي أروح لدكتور هذا وأعطيته العنوان حق الدكتور شاه قال مافيه مشكل كله هذا قريب من هذا بس أنا روح خبير مال أنا بعدين روح دكتور مال انتى قالت اوكية مانبغى نزعله أخاف ننطق فذا ألديره هههههه اتجهنا من الفندق إلى دكتور الإعشاب وبعد ساعة ونصف وصلنا الدكتور الين الواحد دايخ من الزحمة ومن الشوارع المتكسرة جينا لخبير الإعشاب معين الدين ناشتر في داخل مكتبه المتواجد داخل القرية وسلمت عليه وحصلته مسلم ويتكلم بالغه العربية قلت أول شي عطنا شاهي نعناع خلنا نصح صح والله وما قصر الرجال جاب لنا شاهي انا وسواقي وسواقي يعرفه له أكثر من 15 سنه ويقول انا جيب نفر كثير مال هوا نفر ابغى دكتور انا كلام معلوم دكتور بس هوا بعيد مره وجيب لدكتور الوكاد سئلت الدكتور وقلت له انا عندي صدفيه قال مافيه مشكل ومافيه خوف إن شاء الله روح قال فيه إمساك بالبطن قلت له ايوه قال كم سنه موجود صدفيه قلت له أكثر من عشره سنه وسئلني اسئله كثيرة وقالي مدام فيك إمساك أكيد انتى مريض أول شيء لازم نعالج الإمساك وأعطاني ثلاث قوارير واحد علاج للامساك واثنين لصدفيه وجميعها أعشاب مطحونة وتأخذ سفوف قبل النوم وقبل الفطور وقال إن شاء الله ثلاثة يوم وشوف نتيجة كويس واستمر على العلاج لمده 25 يوم وان شاء الله ما راح ترجع لك مره قلت إن شاء الله وسألته عن الدكتور شاه قال هذا اخرطي هواء سوي مشغول وهواء فاضي وقال انتى أبغى روح روح أنا مافيه دخل كيف انتى أهم شي انتى استخدم العلاج حق أنا وبعدين ان شاء الله ما احتاج علاج تاني وهذا موقع خبير الأعشاب معين الدين ناشتر وبعدها رحت للفندق ولا فكرت إني أروح لدكتور شاه بصراحة أقنعني هذا الخبير وله خبره طويلة بالسعودية حتى انه ملم بمدن السعودية ويعرف حتى القبايل إلي راح لها وأكثر شي كان يتكلم عنه حائل واهل شمر يابعد حيي وهذا ملخص بسيط عن البحث عن علاج لصدوفه الحلوة وأنا ما راح استخدم العلاج الحين لحد ما أجرب علاج صحارى لأني وعدت أخونا ابومحمد إني استخدم العلاج وأنا بديت بعلاج صحارى من أمس بالليل والله يكتب لنا ولكم الشفاء العاجل وأنا في انتظار تعليقكم على الرحلة
__________________
 سبحان الله وبحمده ،،، سبحان الله العظيم 
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
|
|
|
Powered by vBulletin V3.8.5. Copyright © 2005 - 2013, By Ali Madkour |
العرض الشجري
