استخدمت مرهم الدايفوبيت على وجهي وشوفوا اللي صار ؟؟؟

ريما الحزينة · #1 07-10-2010, 04:31 AM

رحت للطبيب بسبب حبوب ظهرت لي فجأة في جسمي وحبتين عند عيوني
قام الطبيب شخصها على إنها صدفيه وبدون تحليل
ووصف لي مرهم دايفوابيت بس ماقال لي إنها خطيرة علىالوجه
رحت البيت حطيت منه على جسمي وعلى الحبتين اللي في وجهي يعني منطقة محدوووودة فقط
الغريب إن وجهي صار فيه حبوب غرييييييييبة زي حبوب الرشح لكن شي كبير وشي صغير وشي زي النفوخ ... المهم وجهي تشوه بشكل غريب ... بعد صفاء وجمال ...
ثم راجعت طبيبة اخرى وعملت تحليل وقالت هادي مو صدفية هادي نخالة وردية بس ليش طالع وجهك كدا هي ما بتطلع في الوجه ... وقلت لها الحكاية اندهشت مرررررررة ...
اللحين اش الحل يا أخوان مع الحبوب اللي في وجهي انتشرت بشكل فضييييييييع صارت كأنها نفوخ صغيرة مو حبوب ...
ما أدري اش اللي يبطل مفعول الدايفوبيت من وجهي ...وهل فيه أمل يرجع وجهي متل ماكان وهل هادي صدفية بحكم إني استخدمت الدايفوبيت وأنا أعاني من النخالة الوردية ....
المشكلة الاطباء عندنا مايعطوا وجه ونافخين روسهم الله المستعان ...
وحسبي الله على هالطبيب اللي عدم لي وجهي الله لا يسامحه يااااااااااااااارب

ياريت احد يجاوبني هل اتشوه وجهي بسبب الدافوبيت والا ممكن تروح الحبوب واش العمل في الحالة هادي...

الذين يشاهدون محتوى الموضوع الآن : 1 ( الأعضاء 0 والزوار 1)

🤍 قناة "وَشِفَاءٌ لِّمَا فِي الصُّدُورِ" 🤍