قصيدة أم لولدها بعد أن وضعها بدار العجزة

[رائد الصعوب]

وين أنت ياحمــــدان أمــــك تـــناديك وراك ماتــــــــسمع شكايا وندايا

يامـــسندي قلـــبي على الدوم يطريك ماغبت عن عينك وطيفك سمايا

هذي ثلاث ســـنين والــــعين تــبكيك ماشــــفت زولك زاير ياظــــنايا

تذكر حياتي يوم أشـــيلك وأداريـــك وألاعبك دايم وتمشـــي ورايــــا

ترقد على صوتي وحــــضني يدفيك ماغيرك أحد ســاكن في حـــشايا

وإليا مرضت أسهر بقربك وأداريك ماذوق طعم الــنوم صبح ومـسايا

ياما عطيتك من حناني وبعطـــــيك تـكبر وتـكبر بالأمـــــل يــامـــنايا

لكن خســــــارة بعتني اليوم وشفيك وأخلصت للزوجة وأنا لي شــقايا

أنا أدري إنها قاســـــية ماتــخلـــيك قــالت عــجــوزك ماأبيها معـــايا

خليتني وسط المصحة وأنا أرجيك هذا جزا المعــروف وهذا جــزايا

يالــــيتني خــــدامة بـــــين أيــــاديك من شان أشوفك كل يوم برضايا

مشكور ياولدي وتشكر مســــاعيك وأدعـــــــي لك الله دايـــم بالــهدايا

حمــــدان ياحمدــان أمك توصـــيك أخاف ماتلحق تــــشوف الوصــايا

أوصيت دكـــتور المصحة بيعطيك رســــالــتي وحــروفـــها من بكايا

وإن مت لاتــبخل علي بدعـــاويـك واطلب لي الــــغفران وهذا رجايا

وامطر تراب القبر بدمـوع عـينيك ماعــاد يـنفــعــك الــندم والنــعايــا

اللهم ارحمها كما ربياني صغيرا..اللهم بارك لي في أمي...وأمنن عليها بعافيتك...