حلم ليلة امتحان....

[بسمة شهيد]

السلام عليكم ورحمة الله وبركاته

بما انه اغلب الاخوة والاخوات حاليا بيمروا بفترة امتحانات وانقلاب اغلب احلامهم كوابيس

منحصرة في حلمهم بنسيان المناهج او انتهاء وقت الامتحان بدون ا يلحق يخلص اجابة

اليكم هذه المشاهد خليكوا ريلاكس وسيبوها على الله

يعني اللي نجحوا قبلكم كانوا احسن منك في ايه


المشهد الاول :

المراقب : ينظر في الساعة...باقي من الزمن ساعة ونص بالميت

نعيم : لو سمحت هو الامتحان فيه اختياري ولا كله قهر ؟

المراقب : الورقة قدامك فيها كام سؤال ؟

نعيم : سؤال واحد

المراقب : يبقى فيه اختياري ازاي يا غبي ...باقي من الزمن ساعة

حسن: هي ساعتك بتجري كده ليه ؟

المراقب : اصلي مركب لها حجرين...وعلى فكرة باقي من الزمن نص ساعة

نعيم: حسن قول حاجة

حسن : ( في ضيق )استني لسه بسطر


المراقب : باقي من الزمن ربع ساعة ...ربع ساعة الا خمس دقايق ...ربع ساعة الا ...

حسن : (يقاطعه ) ما تجيب لنا ساعة رملية احسن

المراقب : باقي من الزمن ما فيش ...هات الورقة

حسن : انا واخد وقت اضافي

المراقب : هات الورقة بدل ما اتغابي عليك ...تتقطع الورقة اثناء الشد

حسن : يستيقظ من النوم فزعا ....لالالالالالالالالالالالالالالالالالا

والى لقاء في المشهد الثاني

بالتوفيق لكل الاخوة والاخوات