علاج الصدفيه

[يارب عفوك ورضاك]

عن تجربتى مع صدفيه الاظافر بعد 4 سنين والحمد لله ربنا من عليا بالشفاء ربنا يدمها نعمه ويحفظها من الزوال انا بس كاتبه الموضوع دا كنصيحه لوجه الله لكل الى بيعانى من مرض صدفيه الاظافر ولانى عارفه اد ايه بيدمر نفسيه الشخص جربوا محلول الملح عباره عن فنجان ملح و3 فناجين ماء وقلبه كويس لمده ساعتين او3 سعات يوميا وان شاء الله ربنا يجعله سبب لشفاء كل الى يجربه بس اهم حاجه الصبر لان النتيجه حتبان مع الظفىر الى بينمو جديد ان شاء الله والصراحه انا قبل ما اجرب التجربه دى كنت خايفه جدا متجبش نتيجه ولكن كنت جربت حجات تانيه كتير مجابتش اى نتيجه لكن لما كشفت عند دكتور ((هانى الناظر ))الله يباركله قالى اوقف اى علاج تانى واعتمد بس على محلول الملح مع
(لوسيون إيلوكون) هى عباره عن محلول كده يستعمل للاظافر 3مرات يوميا ملاحظه انا التحسن بدا معايا بس بعد اربع شهور والحمد لله وبعد كده اتحسن شكل الاظافر تدريجيا وطبعا فتره الاستجابه بتختلف من شخص لاخر.
ملحوظه : ضرورى الكشف عند دكتور شاطر للتاكد من صحه التشخيص وعمل تحليل لفطريات الاظافر لان من الممكن الخطا فى التشخيص .
واهم حاجه خليكوا واثقين فى ربنا واصبور ومتبطلوش دعاء .
مع خالص تمنياتى بالشفاء العاجل للجميع باذن الله.
واى حد عندوا اى سؤال انا تحت امروكوا