عروس ماتهنت بسبب الصدفية

[لمى...]

السلام عليكم ورحمة الله وبركاته
ويني عينكم انا...............................!!
انا فيني مرض الصدفية وماخليت مرهم ولاشي الا استخدمته
رحت لدكتور الجلدية ولا استفدت الا بنسبة 40 % ومؤقتا فقط
تعبت نفسيا حزينة دايما وفقدت الثقة بنفسي
بس لما دخلت هنا وشفت حالات لاتقارن بحالاتي استغفرت ربي
وحمدت ربي على العافية هذا مجرد مرض جلدي وبيروح ان أراد الله..........
المهم قصتي مع هالمرض لما كنت بالمتوسط كنت شقية مرة وقاعدة
العب في الشارع مع اخواني وبنات عمي وانا اركض تصادمت انا وواحد وطحت
على ركبتي وانجرف الجلد الفوقاني جرف وصار دم شوي وحسيت بالألم
وماذكر اشسويت فيه هل غسلته او لا بس المهم اللي متأكدة منه مارحت لطبيب
ولا قلت لأهلي عن الجرح .............
بعد فترة تشافى وتلاشى مكانه وبعد سنة تقريبا طلع بنفس حجم الجرح زي القشور
جت فترة شهر وراحت ......
وصارت هالسالفة تجيني كل سنة مرة او كل سنتين مرة وماهتميييييييييييييييييييييت ابد
ولافكرة ايش هذا ........
دخلت الجامعة وانقطعت عني وبعد ماتخرجت رجعتلي بكثافة في ركبتي وكنت احط مراهم فيها
كرتزون اتوقع.......وتخف وتروح وهكذا وانا ماكنت ادري انها صدفية ولااعرفها...
الى ان شافتها وحدة وقالت لي فيكي صدفية وانا قلت ايش يعني قالت لازم تروحي لدكتور...
اللي في ركبتي الان صارلها سنتين ماراحت ولاخفت والعام اتزوجت ومن اول شهر
زواج بدت تظهر في الكوعين وكبر حجمها في الركبة وطلعت زي الحبوب في فروة راسي
واحس بحكة بمنابت الشعر عند رقبتي وطلعت زي راس الدبوس في طرف جبهتي
وفي حنكي وطلعت بشكل كبير في كفوفي من بين الاصابع وفي باطن الكف والان بدات تظهر في ظهر الكف
انا عروس قمت استحي من زوجي تعببببببببببببببببببببببببت نفسيا رحت لدكاترة مافيه فايدة
والله ابكي كل ماشوفها البس ساتر عند زوجي في عز الصيف فقدت ثقتي في نفسي ...........
الصدفية مافيها حكة الا خلف رقبتي خفيف وراح .............
وباطن كفي ذبحني ذبحني ذبحني من الحكة واما باقي الصدفية بجسمي مافيها حكة ......
وشفتكم تتكلمون عن القطران <<<< ارجوكم اعطوني رابط الموضوع او علموني عن
كيفية استخدامه ووين ألقاه انا في الشرقية وهل له مضار ويعور اذا حطيته او لا
واللي يساعدني راح ادعيله من اعماق قلبي ............
أختكم لمى
عروس ماتهنت