طالع ع الموت

[أمـجـاد]

طالع عالموت يا أمي بتحدى الموت
الظالم خلى عيشنا أصعب مالموت
روحي على كفي بتحدى الظالم بالصوت
طالع والشعب المتظاهر تا نعلّي الصوت

طالع عالموت يا أمي لا تخافي عليّ
الخايف ميت يا أمي واللي بطلع حيّ
يا أمانة عليكي يا أمي كرمال عيني
لو جالك خبري يا أمي لا تبكي عليّ

أنا يا برجعلك يا أمي مرفوع الراس
يا مستشهد برفع راسك ما بين الناس
والخايف عايش كالميت ما فيه إحساس
أما الشهيد يا أمي روحه بتنباس

يا يامو أنا والله بعرف يا أغلى ام
الدنيا ما فيا أرحم من قلب الأم
لا تخافي ولا تبكي ابنك بيتحدى الظلم
زغردي لو جيتك مستشهد يا أعظم ام