اضحك مع شباب الثورة : ارجع يا ريس كنا بنهزر معاك.....

[أسيرة الأقصى]

إرجع يا ريس‏. كنا بنهزر معاك

مجموعة من الشباب أنشأت عدداً من الصفحات علي موقع العلاقات الاجتماعية فيس بوك بعنوان
ارجع يا ريس.. كنا بنهزر معاك - تطالب بعودة الرئيس السابق حسني مبارك مرة أخرى إلى الحكم‏، واشتملت على العديد من الأسباب التي لا تخلو من الحس الفكاهي المصري، وكانت الأسباب التي ذكرت، بحسب صفحات "فيس بوك"، كالآتي‏:‏

ارجع.. كنت حامينا من وجع الدماغ وقولة: آه، و: لأ.
ارجع.. أنا اكتشفت أن ليه صوت.
ارجع.. جوزي هتجري في إيده الفلوس وممكن يتجوز عليا.
ارجع يا ريس قبل العيد عشان نعرف نقول: عيد مبارك.
ارجع يا ريس.. مش لاقيين اسم لمحطة رمسيس في المترو - بعد قرار تغيير اسم المحطة.
ارجع يا ريس...‏ انت نسيت نور الصالون في القصر مفتوح.
ارجع.. لحسن شكلك هيبقى وحش قدام السادات وناصر لما يسألوك مشيت إزاي؟
ارجع يا ريس‏..‏ وحشنا ابنك جمال.
ارجع.. عشان ننزل التحرير تاني وناكل كنتاكي.
ارجع‏..‏ بقوا يطبخوا ع الفحم في "إسرائيل" - لتوقف الغاز المصري.
طب ارجع يا ريس.. واللي اتفرم يتصلح.
ارجع يا ريس...‏ شارع صلاح سالم بقى له كتير ما بيقفش - لم يعد يمر به موكبه.
ارجع يا ريس دكاترة الضغط والسكر والقلب مش لاقيين شغل.

طب ارجع عشان تامر حسني‏..‏ أو تامر أمين.‏
ارجع يا ريس أنا بقيت باتكلم في السياسة براحتي.
ارحمنا وارجع بقى...‏ مين اللي هيغير اسم‏ 620 ألف مشروع ومدرسة باسم سعادتك؟
ارجع يا ريس.. شكلنا هنبقى من الدول المتقدمة.
ارجع بقى.. ده حتى هالة سرحان رجعت‏، يرضيك كده يعني؟
يا ريس ارجع.. أنا خايف رغيف العيش يكبر وأنا ناوي اعمل دايت.
ارجع بجد‏.. دلوقتي لما ما بيعجبناش وزير بيتغير‏، المسئولين اتبهدلوا من بعدك‏!‏
ارجع يا ريس‏ ، الإخوان (المسلمون) بقوا بيطلعوا في التليفزيون الحكومي

طب بص‏..‏ بلاش انت ترجع‏..‏ بس جمال وعلاء ضروري يرجعوا قبل رمضان‏..‏
هنعمل الدورة الرمضانية إزاي من غيرهم؟