ابيات قالتها أم لأبنها بعد ان وضعها في بيت العجزة

[البر الامن]

السلام عليكم و رحمة الله و بركاته
هذه قصيدة لامرأة وضعها ولدها في دار العجزة ولم يرجع إليها فقالت هذه القصيدة مخاطبة ولدها وهذه القصيدة باللهجة البدوية لذا لا تقرأ على ما هو معروف من اللغة

وإليكم القصيدة

وِين انت يا حمدان أمـك تناديـك***وراك مـا تسمـع شَكايـا ونِدايـا

يا مسندي قلبي على الدوم يطريـك***ما غبت عن عيني وطيفك سمايـا

هذي ثلاث سنين والعيـن تبكيـك***ما شفت زولك زايـر يـا ظنايـا

تذكر حياتي يـوم اشيلـك واداريك***والاعبـك دايـم وتمشـي ورايـا

ترقد على صوتي وحضني يدفيـك***ما غيرك احدٍ ساكن فـي حشايـا

واليا مرضت اسهر بقربك واداريك***ما ذوق طعم النوم صبـح ومسايـا

ياما عطيتك من حنانـي وبعطيـك***تكبـر وتكبـر بالأمـل يـا منايـا

لكن خساره بعتني اليـوم وشفيـك***واخلصت للزوجه وانا لي شقايـا

انا ادري انها قاسيـه مـا تخليـك***قالت عجـوزك مـا ابيهـا معايـا

خليتني وسط المصحة وانا ارجيك***هذا جزا المعروف وهـذا جزايـا

يـا ليتنـي خدامـة بيـن اياديـك***من شان اشوفك كل يوم برضايـا

مشكور يا ولدي وتشكر مساعيـك***وادعـي لـك الله دايـم بالهدايـة

حمدان يا حمـدان امـك توصيـك***اخاف ما تلحق تشـوف الوصايـا

اوصيت دكتور المصحه بيعطيـك***رسالتـي واحروفهـا مـن بكايـا

وان مت لا تبخل علـي بدعاويـك***واطلب لي الغفران وهـذا رجايـا

وامطر تراب القبر بدموع عينيـك***ما عـاد ينفعـك النـدم والنعايـا
منقووول