خايفــة...! ( زجل مصري)

[شروق الاجزجي]

زي احساس الفرح والحزن حاسة اني هقابله قريب
كمان يومين كمان سنين ما هو كله قريب
زعلانة لأ ، خايفة آآآآآه
خايفة من كل اللي كان مني
خير كان ولا شر ، ما هو عارف كل حاجة عني
خايفه ايوه خايفة ، ومين يآمن ومين يطمن
خايفه على روحي لما تطلع تروح مكان فيه عذاب تتألم
خايفه من يوم الغسل يوم ما كله يبكي عليا
كله بيبكي ويواسي بعضه وانا لوحدي في همي وعملي اللي اتحسب عليا
خايفة بعد نوم الفضا ونوم البراح انام في حفرة مفهاش ونس لييه
خايفة ملقاش حسنة تيجيلي من حد افتكرني وفكر فييه
خايفة ملقاش غير عملي اللي اتقطع ويومها ربي اعلم بييه
خايفه من يوم الساعة فيه تقوم يبيض ويوقف ليها شعر راسي
ويومها لا نسيب بينفع ولا حبيب بيواسي
خايفة من العرض والكتاب ،ماهو انا ادرى
مكتوب فيه ايه ؟ مكتوب مصايب مكتوب بلاوي ومعاصي
خايفة اقف قدامه يوقع لحم وشي وانا بحكي قصة حياتي
القصة اللي كانت في الدنيا عزتي ، دلوقتي حسرة وندامة
خايفة من الناس مين هياخد حسناتي وآخد سيئاته
خايفة ما يومها كوله بيقتص من التاني حتى الغراب من الغراب
خايفة اقول يومها يا ريتني كنت تراب .....!!

[فتاة الاسلام]

بسم الله الرحمن الرحيم .....

جـــــــــــــــزاك الله خيراا ووفقك ..

[نورا*]

*بسم الله الرحمن الرحيم*
جزاك الله كل خير اختي العزيزة
***بارك الله فيك***

[شروق الاجزجي]

فتاة الاسلام
جزاك الله خيرا على المرور والتعليق

[شروق الاجزجي]

نورا جزاك الله خيرا على التعليق والمرور الطيب

[ام نور]

السلام عليكم ورحمة الله وبركاته

بورك فيكى اختى شروق

ربنا يأمنا عذابه ويرحمنا

[شروق الاجزجي]

اللهم آمين
جزاك الله خيرا عزيزتي ام نور على التعليق