رساله الى المغترين الزين اصابهم دا العجب والغرور

[د.نمارق]

في الزمن دا بالزات كتروا المغترين وكتر الكبر والعجب
تلاقي الواحد يصلي خمس صلوات في المسجد يشوف نفسه من العشر المبشرين بالجنه
وتلاقي واحده محجبه او منقبه تزدري المتبرجات وتحتقرهم وشايفه نفسها انها في الفردوس الاعلى
واظرف موقف سمعيتو قالوا في واحد سلفي عايز يصلي في المسجد وكان معاه في الصف يعني جنبه واحد مش مقصر راح قايم وساب الصف عشان اللي جنبو مش مقصر
حقيقه اشكال كبير بيعانو منه الملتزمين
وانا دايما بقول انو ذي ما العاصين قربين للنار
الملتزمين اقرب منهم لو ما اخوا حزرهم
لانو البيعصي وقلب منكسر لربنا افضل بكثييير من الطائع المعجب بطاعته
لانو العجب بيحبط كل الطاعات اللبتعملها
بعدين انت دخلت قلب العاصين وشوفتو ليه نحن نحكم للناس بجنه او نار من خلال الشكل الظاهري بس
يمكن يكون الشاب اللي شايفو ملتحي ومقصر مش موحد الله صح ولو اختبرتو بثلاثين سؤال في العقيده يسقط او ممكن يكون ملتزم التزام اجوف شاف اسرتو ملتزمه التزم معاها وفي ناس بتحصل ليهم صدمات بيلتزموا فجاه من غير نيه عشان كده اي واحد يسأل نفسه انا التزمت ليه
وتلاقي واحده منتقبه اومحجبه محتقره زميلتها في الكليه وانتي ايه اللضمنك انو ربنا تقبل منك وايه اللضمنك انك تموتي على الحجاب وتثبيتي عليه عشان تحتقري الناس بالصوره دى؟
انتي انصحي زميلتك ماتحتقريها لانو ممكن تكون مكانتها عند ربنا احسن منك
بعدين اتهمي نيتك انتي لبستي الحجاب ليه مش اي واحده محجبه بتكون محجبه عشان ربنا عشان الناس تخد بالها من الكلام دا كويس
انا اتعاملتا مع بنات متبرجات كتيير لقيت فيهم خير كتيير ممكن من الخارج ماتشوفو
المشكله في خلل في المفاهيم هي اللخلتهم يلبسوا كده يعني بشويه نصح ممكن يتغير الاف البنات
وانت يالعامل فيها ملتزم وبتغتر وفرحان بطاعتك وبتزدري العاصين هو فين التزامك اولا الصلاه في المسجد فرض يعني انتي مابتجيب حاجه من عندك واذا مغتر لانك بتغض بصرك فغض البصر
واجب ولو ماغضيت بصرك حتتحاسب يعني مابتجيب حاجه من عندك
السلف لو شاف ملتزمين اليوم حيضحكو على التزامهم ولوشاف المغترين حيستغربو والله
حانقلكم نقله سريعه لحياه السلف عشان اي واحد ملتزم يحتقر ويزدري نفسه كتتييير
معاز بن جبل كان يسبح الله في اليوم عشره الف تسبيحه مش في الاسبوع في اليوم يالشايف نفسك ملتزم
عروه بن الزبير كان يختم القرأن كل اربعه يوم
واحد السلف كان يقرأ سوره الاخلاص 300 مره في اليوم
عثمان بن عفان يختم القران في ركعه
واحد السلف كان يصلي في اليوم 200 ركعه
واحد السلف يصلي بالليل 30 اواربعين ركعه
واحد السلف كان يستغفر الله من نظره الفجاه
واحد السلف من شده غضه لبصره ظنو النسوه انه اعمى فاستعزن من العمى
واحد السلف يصلي اغلب الليل ويدعو ويقول الله
الحسن البصري كان من شده خوفه من الله يبول الدم
يتبع باذن الله

[د.نمارق]

قال الحسن بصري سمعت ان هناك رجل يدخل النار الف سنه ثم يزهب للجنه اتمنى ان اكون انا هذا الرجل يقول كلامه هذا وهو يصوم النهار ويقوم الليل انظر يامغتر
*بعدين النوايا يعلمها الله مافي حد يعرف نيه التاني طيب اذا كان كده ليه نحتقر الناس
انتو ناسين انو امراه بغي سقت كلب ماء غفر الله لها صحح انو عمل صغير لكن كان مخلص لوجه الله
الذمن دا بالزات اصبح الحكم من خلال الشكليات منقبه يعني ملتزمه ملتحي اكيد ملتزم دي مقايس خاطئه انا
صحيح اللحيه والتقصير واجب صحيح الحجاب فرض لكن هل دا كل الدين يعني لما بجي يوم القيامه ربنا يشوف دا ملتحي يقولو ادخل الجنه او دي محجبه ادخلي الجنه واللي غيرهم يدخلو النار يعني
الالتزام دا منهج كامل اساسو العقيده الصحيحه
طيب ليه الرسول صلى الله عليه وسلم قال من جاءكم من ترضون خلقه ودينه فزوجوه لماذا لم يقل دينه فقط اكيد الاخلاق مابتنفصل من الدين لكن فيه ناس ملتزمين ماعندهم اخلاق واحد يكون ظاهريا ملتزم لكن تعال شوفو في البيت يزعل اخواتو امو تندهلو يجيها بعد نصف ساعه ولما تجي تسألو يقولك انا ملتزم وتلاقيهو شاف نفسو احسن من الناس
وتلاقي واحد مايتكلم الا مع ملتزمين ذيو اما التانين لا
وناسي حديث النبي صلى الله عليه وسلم انو المؤمن الذي يخالط الناس ويصبر على اذاهم خير من المؤمن الذي لايخالط الناس ولايصبر على اذاهم وناسي كمان ان افضل خلق الله مات ودرعه مرهونه عند يهودي
الملتزمين هم اللبينفروا الناس من الدين بأخلاقهم وتعاملهم السئ مع العصاه
عندى نقاط عايزه اتفق معاكم فيها
اولا العصاه اللي عايشين معانا دول مسلمين صح ولا لا يعني دين واحد يعني ماشيعه ولاصوفيه ولانصارى طيب اذا كانو كده نحن ليه نفر منهم هم يمكن يكون بيعصو الله في العلن وانتي بتعصيه في السر ومافي حد شايفك ممكن ولا لا خليك صريح مع نفسك مين المفروض يحتقر نفسو هو ولا انت
يتبع بأذن الله

[د.نمارق]

في ملتزمين كتيير الواحد بيضعف في اقل شهوه اوشبهه
الالتزام الحقيقي بيتقاس في الخلوات وفي الابتلاءت ديل اكتر حاجات بتعرف بيهم اللتزام الواحد
نحن محتاجين في الدعوه الى الله برفق ولين مش اساءت ونبز وتحقير
بعدين اللي عايز يدعي الناس الى الله يدعيهم برفق يعني الفرض فرض والمستحب مستحب والواجب واجب
ذي الصحابي اللي جاء لرسول الله وقالوه انا حاصلي الفرض قال الرسول صلى الله عليه وسلم افلح الرجل ان صدق
مش دايما نحصر الالتزام في قيام الليل وصيام الاثنين والخميس ونحن مش عارفين الابجديات
تلاقي واحد يصلي الليل والنهار وبيصل رحمو مع انو صله الرحم فرض يخلي الفرض ويمشي للنوافل ويكون شايف نفسه ملتزم
تلاقي واحده محجبه اومنقبه وبتصلي بالليل وتصوم النهار ومابتسمع كلام زوجها وبتخرج من غير اذنو وناسيه انو طاعه الزوج مقدمه على النوافل وتلاقيه شايفه نفسها ملتزمه
مشكلتنا الناس اتبرمجت غلط وحصروا الالتزام في نطاق ضيق خالص حصروه في الصلاه والصيام والحجاب
الدين شامل مش مجزأ
اجمل مقوله سمعتها من ابي الدرداء انه قال ياحبذا نوم الاكياس وفطرهم كم يغبنون به قيام الحمقى وصومهم
يعني تلاقي الواحد يصلي بالليل والنهار ويصوم لكن معجب بطاعته او بيعمل اعمال بتحبط العمل فيكون تعبان في الفاضي وبالمقابل صاحبنا العاصي نايم وعبادته بسيطه لكن حافظ لسانو مابيغتاب ومحتقر نفسو متزل لله ومنكسر
*تزكروا لايدخل احد الجنه بعمله فكلنا مقصرون في جنب الله وحينما يتزكر الواحد منا عظمه الله يحتقر نفسه كثيييرا وينكسر لخالقه
وصيه الى كل ملتزم وكل من يدعو الى الله علمو الناس التوحيد اولا قبل كل شي عرفوهم عن الله عن اسمائه وصفاته عن عظمته ليدخولوا الى الله عن حب لاعن خوف الذى يدخل الى الله عن حب يجد طعم الايمان الحقيقي يعني انا بعبدك يارب لاني بحبك لاني عايز رضاك لانك حبيبي خلقتني وانعمت علي بنعم لاتعد ولاتحصى لازم نعرف الناس على ربنا هو دا حجر الاساس
التوحيد اولا عارفين ليه جيل الصحابه افضل جيل لانو الرسول صلى الله عليه وسلم رباهم على التوحيد
الرسول صلى الله عليه وسلم 13 سنه بيدعو الناس الى لا اله الا الله من غير ماتفرض اي احكام واي جيل يتربى على التوحيد ح يكون افضل جيل
*واخيرا لازم تحتقر نفسك وتشوف نفسك احقر من يمشي على الارض وكمان تطالع سير السلف الصالح عشان تحتقر اعمالك لانو الشيطان بيتغاظ شديد لما يشوف ملتزم محتقر نفسه ويقول الشيطان متى يعجب هذا بعمله وادعوا الناس بالين والرأفه ولاتجاهر بالنصيحه انصح زميلك او صاحبك سرا وعرفو على ربنا عشان يحبو والشخص لما يحب ربنا ما محتاج حد يقولو امش صلي او تصدق او امشي اتحجبي لانو جاء لربنا عن حب وكما قيل ان المحب لمن يحب مطيع
*بالذات في الزمن دا ذمن الشهوات والفتن ذكروا الناس برحمه ربنا وعفوه وغفرانو للزنوب .
اللهم اجعل هذا العمل لوجهك خالصا وتقبله مني يااغلى حبيب
بقلمي

[عمي جلال]

بارك الله فيك أخونا الفاضل على المشاركة
جميل لو كان النقل باللغة العربية حتى يسهل على الجميع قراءة الموضوع والإستفادة
أما النقل بأسلوب اللهجات واللغة العامية فصعب المتابعة
كمثال ما معنى "بالزات" ؟ و"يزهب" أظن أن فضيلتك تقصد بها "يذهب"....صح ؟ إن كانت كذلك ففهمتها فقط من سياق الكلام
أستسمح بارك الله ووفقك الله