طيب أنا ... أنا شو ؟ أنا "تفو عليي" بس ..

[بالاسلام نرتقي]

أنا مؤيد لبشار
لا انت فعلا خاين لشعبك ، شبيح ، مخبر ، و حسابنا معك بعد ما يسقط النظام .. رح ندعسك "لك تفو عليك"..

طيب خلص انا معارض لبشار
يا عيب الشوم عليك يا خاين الوطن ، مندس ، عرعوري ، عميل جهات خارجية .. لازمك دعس "لك تفو عليك"..

طيب معناتا انا محايد
له ، لك انت مكروه من الطرفين، ﻷن الحياة مواقف و انت لازم تحدد موقفك ( يا عيب الشوم يا مذبذب).. "لك تفو عليك"..

أخي أنا من جماعة الحل السلمي
طبعا ما انت جبان ، و دم الشهداء برقبتك ليوم الدين ، و لازم تاخد بالتار ، يا عيب الشوم "لك تفو عليك"..

طيب خلص روق انا من جماعة الحل العسكري : انت مجرم بلا أخلاق لأنو ما بكفيك اللي استشهدوا لهلأ ! يا قاتل يا سفاح "لك تفو عليك"..



أنا ضد تسليح المعارضة : اي يعني شو بدك يانا نموت و نحنا ساكتين مثلا !! يا عيب الشوم عليك "لك تفو عليك"..

طيب انا مع تسليح المعارضة : اي شو بدك يصير بالبلد حرب أهلية ؟ لعما انت ما بتفهم "لك تفو عليك"..

أنا أصلاً ضد التدخل الخارجي
لك حبيبي لأيمتا ؟ فهام اذا ما كبرت ما بتصغر و هالنظام بدو الناتو لحتى يسقط لك انت بضل غشيم !! "لك تفو عليك"..

طيب انا مع التدخل الخارجي ..
بالله شو ??
بدك تجيب المستعمر ع بلدك على طبق من دهب ?? "لك تفو عليك"..

طيب انا قررت هاجر..
يا عيب الشوم عليك شو البلد أوتيل اذا ما عجبتك الخدمة بتسافر ..??خليك انقبر هون .. "لك تفو عليك"..

طيب انا قررت ضل هون لشوف شو آخرتا ..
شو مجنون انت ؟ معقول تضل ?? اتخيل حالك تموت من من ارهابي بتروح ببلاش .. أو تخيل تموت بشي قذيفة من الجيش انت و بيتك .. شو بتستفيد يا غبي ..??"لك تفو عليك"..

طيب أنا ... أنا شو ؟ أنا "تفو عليي" بس ..

منقول ..

[*لمسة أمل*]

الللهم كن مع سورياااااا

[بالاسلام نرتقي]

اللهم اميييييييييييين ...الله يكون مع سوريا و اهل سوريا و حباب سوريا ...