|
|||||||
| الملتقى الترفيهي ملتقى الابتسامة والمسابقات والالعاب الترفيهية الهادفه |
 |
|
|
أدوات الموضوع | انواع عرض الموضوع |
|
#1
01-01-2012, 09:14 PM
|
||||
|
||||
يمه .. بقولكـ شي بس لا تعصبين
يمه بقول لك شي بس لا تعصبين.. يمه كتابي بالمدرسه نسيته..! ونسيت الالوان ودفتر التلوين.. و دفتر الأملاء بالغلط شقيته ..! و المريول يالغاليه لا تنسين .. بالالوان و المزيل وسخته..! وانا مع صاحباتي المزايين.. يمه صبعي بالمقص جرحيته ..! بس صدقيني ترى مايعورالحين .. لاني في المدرسه بالماي غسلته..! و نشفته وحطيت صبغة الايدين .. وبلزقه الجروح و الكلينكس لفيته..! اكلت العلكة وجبنه لوزين .. و العصيرما عجبني طعمة ورميته ..! ايه يمه ابله العربي الي تعرفين . يمه الجوال منها سرقته ..! قريت الرسايل المرسله و الجايين .. وفيها كلامن كثير ما فهمته ..! بس والله يايمه تصدقين.. بسرعه وبدون ما تحس رجعته ..! يمه وبقول لك شي بس ابوي لا تخبرين .. شعري امس بالمكوى حرقته ..! و روجك الوردي الي تحبين.. يمه خذته معي و في الباص ضيعته..! تكفين يا يمه لاتزعلين .. لاني روجة الباربي و العطر لك شريته ..! يمه اسناني تعورني من الصبح للحين.. وضرسي الي يتخلخل بالغصب قبعيته ..! و غسلت فمي و بالماي وللحين.. القطن بفمي من الصبح ما شلته ..! يمه حصة القرآن تدرين.. والرياضيات والعلوم ما حظرته ..! جلست العب في الساحه مع صابرين.. وضيعت شرابي وللحين ما شفته ..! ورحت مع احمد للمدرسه تصدقين.. وكل اللي نسيته من هناك جبته ..! ردفني بالسيكل وسرعنا مثل المجانين.. و شرابي الوردي وربي لقيته ..! وفي طريقنا واحنا ع المحل مارين .. وقفته و من يده للمحل نزلته ..! وهذا الكتكات و السنكرس لا تزعلين .. و االببسي والبونتي لك شريته ..! وترى نص الكتكات لي لا تفرحين .. و البونتي والسنكرز لك مابغيته ..! وهذي هي اللصقه و غرشة الايدين.. وترى من غرفة الارشاد سرقته ..! يمه تعبت من الحكي وبنام هالحين .. وبكره اكمل لك الي سويته ..! اووه صحيح الحليب الي شريتين .. تراه انكب بالمطبخ ما غسلته ..! و صج الكريم و علبه الفازلين.. و المشط و الشرايط بالكبت خشيته ..! واخوي الصغير يبكي من جيت للحين.. مو راضي يسكت بالعصا طقيته..! يمه تكفين بالزعل لا تعاقبين .. لان ابوي توي من شوي راضيته ..! هذا يايمه الي صار لا تكفين.. لا تزعلي ترى الزعل عمري ما قويته ..! ودخلت الطفله في عالم الحالمين .. والدموع الي بعينها ما نسيته..! نامت الطفله و هي تتمتم الى الحين.. يمه السمك ترى للقطو حطيته ..! يمه المريول اغسليه لا تنسين .. و علي واجب لبكره ما حليته ..! اخذت يمه نجمتين بالدين .. واختفى صوتها والباقي ماسمعته..! مسحت دمعتها و قبلت الجبين .. و شعرها المنثور بيديني جمعته ..! طفلتي جننت من البشر ستين.. و الميه الحين اتوقع وصلته ..! الصرااحة حزنتني على حالها 
__________________
 تكويني شهقات الثكالى طعنات توالى دمعة الطفل الغرير  |
|
#2
01-01-2012, 10:05 PM
|
||||
|
||||
رد: يمه .. بقولكـ شي بس لا تعصبين
ويش الي ماسوته الحلوة هذي عافسة الدنيا بس الكلمات طفوليه مشكور أخوي الله يعطيك العافية
__________________
 |
|
#3
01-01-2012, 10:44 PM
|
||||
|
||||
|
رد: يمه .. بقولكـ شي بس لا تعصبين
اقتباس:
كلها برآااءة .. الكلمات طفولية لكي تناسب الحالة .. ^_^ عافاكِ الله أختي ..
__________________
تكويني شهقات الثكالى طعنات توالى دمعة الطفل الغرير |
|
#5
07-01-2012, 03:03 AM
|
||||
|
||||
|
رد: يمه .. بقولكـ شي بس لا تعصبين
هههههههههههههه ماأحلى هالأطفال وبراءتهم الصافيه وشلون إخلونك تضحك لها الساعة الزمنيه وكيف بِطفُّو الغضب بلمستهم السحريه الله لا يحرمنا منهم يآآرب مشكور أخي على هاي الكلمات الطيبه والله يجزيك بالخير ويزيدك من فضله
__________________
  توكل على الله وانطلق نحو القمة اللهم اجعلنا مفاتيح للخير مغاليق للشر اللهم ارزقنا حسن الفهم عنك يا ودود يا كريم  |
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
|
|
|
Powered by vBulletin V3.8.5. Copyright © 2005 - 2026, By Ali Madkour |
العرض العادي
