آثار الدمل بالرأس

[احساس زوجه]

السلام عليكم ورحمة الله وبركاته
ابني عمره خمس سنوات قد اصيب بدمل براسه من ست اشهور
وكل دكتور يستغرب من موقعها لانها جايه في قمه الراس
المهم اكل نوعين مضاد وخلصهم ولازالت تفرز صديد وكان بعض الدكاتره وللإسف من المستشفيات الخاصه يقصون الجزء البارز ويضعون الشاش الممتلئ بالبيتادين
ولله الحمد بعد كورس ابر مضاد حيوي انتهت الازمه
والمشكله الحاليه اثر الدمل اصبح خالي من الشعر وبمكان بارز جدا
والكل يسال وهو ينحرج ويسألني دايم متى يطلع شعرها
المهم جربت كل ما سمعت به
زيت الخروع للشعر
ثوم
زيت انقع به حلبه وادهنها بها

وبدات ينبت ما يعادل ست شعرات والمساحه كبيره بحجم الميه فلس


اي احد ايعرف علاج لهالمشكله

لايقصر ويشرحلي بالتفصيل

وجزاكم الله خير

[reem50]

انتي ماشيه صح بس المساله تحتاج صبر واكيد راح يرجع طبيعي فقط استمري على الخروع

[احساس زوجه]

والله الخروع احسه انه مفعوله اكويس بس بطئ


والله كريم

[جودينا]

احساااااااس انا طلع لي كيس دهني طلعوه بعمليه من 6 شهور تقريبا او اكثر
بالراس من فوق كبر حبه الحمص تقريبا وقعد مكانها كأنه ثعلبه بس ماكانت مزعجتني لأن الشعر من حولها مغطي عليها
والحين صغرتتتت قربت تختفي وانا ماسويت لها ولا شي ولا اهتميت
بس اعطيها وقت وبتروح من حالها

[أبو ريماس]

لا إله الا الله سبحان الله كأنكم جالسين معي قبل كم يوم وانا اسولف مع ام ريماس ههههههههه كانت تقول لي يبو ريماس وشذا اللي بسوالفك قلت هاوووووه وشو بعد خير إن شاء الله قالت وش هالبقعة اللي في سوالفك ما فيها شعر

قلت يا ام ريماس يالله حسن الخاتمة الله العالم ان الصلع وصلنا هههههههههههه احسبها تمزح اثرها والله صادزه صار فيه بقعه قد الحمصة ما فيها شعر في الشعر اللي جمب الاذن اعلى عوارض اللحية واتذكر انه مكان دمله توها طايبه من شهرين والله يعين