رحلة ابنتي مع الاكزيما و رجائي من الله الشفاء

[سعيد مسلم]

المشاركة الأصلية كتبت بواسطة nisreen1811

اخوتي امل-عازمة-سعيد

لم نذهب للمراجعة بسبب بعض الظروف
لا اعرف ماذا افعل
سنذهب في اقرب فرصة

يا رب تشفي بنتي وترحمها برحمتك

ان شاء الله خير اختي نسرين

[nisreen1811]

ان شاء الله يا اخي سعيد

[عازمة على شفائه]

معليش حبيبتي نسرين ان شاء الله كل تأخيرة وفيها خيرة....

[nisreen1811]

كل عام وانتم بخير بمناسبة عيد الميلاد المجيد

اوقفت كريم الدكتاكورت امس
وخلال 3-4 ايام سنذهب لطبيب ممتاز وناخذ التشخيص الصحيح ونرتاح ساحجز الموعد اليوم
ادعوا لبنتي ارجوكم
ومستمرون على النظام الجديد

1. الميرمية حجم فنجان شاي مع شوية سكر مرتين بالاسبوع- الجمعة والاثنين
2. القرفة والخلنجان والقرنفل كل يوم حجم فنجان شاي مع شوية سكر مرتين باليوم - بعد الغداء وبعد العشاء
3. القرنفل والقرفة مع الطبيخ استعملهم اكثر
4. الدهان من شاي القرفة والقرنفل والخلنجان مرتين
5. الحمام يوميا بالصابونة نابلسية
6. اللبن الرائب والخضار والاكل الصحي واشغال وقت الفراغ والرقيا

يا رب تشفي بنتي وترحمها برحمتك الواسعة يا رب العالمين
يا رب تشفينا وتشفي بناتنا واولادنا وترحمنا برحمتك الواسعة امين يا رب العالمين

[عازمة على شفائه]

يالله....خير يا نسرين...
ولا تنسي تطمنينا...
اللهم اشف لين وطارق ومازن وابني وكل مرضى المسلمين برحمتك يا ارحم الراحمين...

[nisreen1811]

موعدنا مبدئيا عند دكتورك يا عازمة الاربعاء بعد الظهر الساعة 4:30
اوقفت جميع الكريمات وساستمر على النظام الجديد حتى ذلك الموعد

يا رب تشفي بنتي وترحمها برحمتك الواسعة يا رب العالمين
يا رب تشفينا وتشفي بناتنا واولادنا وترحمنا برحمتك الواسعة امين يا رب العالمين

[سعيد مسلم]

ان شاء الله خير اختي نسرين
و اتمنى ان يكون التشخيص دقيقا للدرجه التي تطمئني بها , و لوانني اتمنى اكثر من ذلك و هو اختفاء مرض ابنتك نسرين , بعد البرنامج المتبع من قبلك لها و تكون هذه هي اخر المحطات.
تقبلي تحياتي لك و للجميع اخواتي عازمه و امل و ادعوا الله ان بشفي جميع اطفالكم بمنه و كرمه انه ولي ذلك و القادر عليه.

[nisreen1811]

يا رب يا سعيد
تكون اخر المحطات وارتاح
تعبت من القلق والتفكير
ويا رب يكون الدكتور شاطر - مع انه ناس كتير شكروا فيه منهم اختي عازمة

والجيد في الموضوع اني بقدر اساله عن كل شي قراته والوصفات العشبية و العلاج بالانزيمات
ان شاء الله خير

[عازمة على شفائه]

يا الله على خير ان شاء الله يا نسرين....ما رح تندمي ورح تلاحظي انو فهمان هادا الطبيب علطول .....والحمدلله انو صار عندو مواعيد....ايامي كان يروح اليوم واحنا نستنى الدور...على فكرة مرة طلع لاخي الكبير حبوب على صدره..وما حدا عرف شو هي ...بعدين راح على هذا الطبيب بعد ما قلتلو عنو ...وما شاء الله عرفها علطول وكانت مرض نادر جدا يصيب واحد من الاف...وعطاه العلاج وطاب الحمدلله رب العالمين,,,,وهذا الحكي صرلوا شي 5 او6 سنين...
كمان انا يا نسرين عشان اكزيما الايدين الي كانت معي حوالي 6 سنين...وماشاء الله رحت عندو بعد ما دلوني ناس عليه...وطبت من اول دواء كتبلي ياه وضليت حوالي 7 سنين بدون اكزيما ورجعت جديد عالخفيف بس الحمدلله رب العالمين ورجعت طابت....
بالنسبة للاعشاب ما اتوقع انو يوافق عليها...الاطباء دايما ضد الاعشاب...لما اتصلت السنة الماضية اسالهم عن خلطة زيت حبة البركة والخل السكرتيرة اصلا ما رضيت تسمع...كل شوي بتقلي لا...استعملي الدوا الي كتبلك يا الطبيب فقط..لا تستعملي اي شيء تاني......
وقالتلي انو ابن اختها الصغير معو صدفية وانو ما بتعالج الا بادوية الطبيب....
لما طاب سراج الحمدلله رب العالمين تزكرت الولد...قلت والله بدي احكي معها تلفون احكيلها عن الخلطة اتصلت عليها بس ما قبلت تسمعني ...بقولها طيب قوليلها الوصفة لاختك حرام ابني طاب عليها....والله ما قبلت تسمعها ولا حتى من باب الفضول الله يهديها بس....بقلك ما بقتنعوا...بس جربي الطبيب بركي افكارو غير انا والله ما سالتو بصراحة....
ان شاء الله تكون هاي الخطوة اخر المشوار على راي اخي سعيد....وتكون بعدها سعادة دائمة بشفاء لين يارب.....
اللهم اشف اطفالنا....فلذات اكبادنا.....لين..طارق....مازن....وابني الحبيب شفاء تام تام يا رب العالمين......
اللهم اشف جميع مرضى المسلمين اللهم ااامين...

[nisreen1811]

معظم الناس ما بقتنعوا
من ضمنهم امي و حتى كنت انا - لاني لهلا مش ملاحظة نتيجة من الاعشاب
بجرب مع الدكتور وبشوف شو رايه
المهم تطيب - اذا طابت برتاح من كل شي وما بنحتاج لشي ابدا
ومن اليوم ليوم الاربعاء يمكن بيكون الالتهاب واضح وبيقدر يشخصه صح
هم ما قالوا لي الساعة كذا - لا على 4:30 تعالي - بس
يعني يمكن سهرتنا صباحي
بس بدي اتاكد انه يقدر يشخص - واذا ما كان كتير وضع بنتي مؤذي راح ااجل الموعد للاحد - لحتى اتاكد انه تكون الامور واضحة

حاسة حالي ام شريرة بدي التهاب بنتي يزيد بس شو اسوي والله بدي اياها تطيب وترتاح