تجربتي مع خلطة الدهيمية الاسبوع الثاني

[وليد2001]

السلام عليكم ورحمة الله وبركاته،،،
أول شي أحب أهنيكم بقدوم رمضان الله يبغلنا اياه واياكم والمسلمين اجمعين يارب,,,ثانيا انا وصلتني رساله قبل كم يوم من اخوي بوسطن بخصوص الفائدة من المنتدى وانا حبيت اكتبها لكم في موضوعي هذا بدايتي مع الصدفيه كانت قبل 10 سنوات تقريبا والحمدلله على كل حال ثانيا انا عندي الصدفيه بس في الاكواع والسنه الماضيه انتشرت في كل جسمي وعالجتها وراحت الحمدلله بس الاكواع موجوده وفيه كم حبة في جسمي بس مو واضحه والحين نرجع لموضوعنا وهو وش استفدت من المنتدى يعلم الله يا اخواني قبل ما اعرف المنتدى كنت اصحى واول شي اشوفه يديني اشوف فيه صدفيه طلعت ولا لا كانت مخوفتني مررره وكنت اتحلم فيها ومره مضايقتني بشكل فظيييييع ماتتصورونه والحين بعد مادخلت المنتدى والله ثم والله احس براحة نفسيه فوووووق الخيال وهذا بفضل الله ثم بفضلكم مع اني ما ادخل كثير بس استفدت وان شاءالله يارب نوصل لعلاج يقضي على صدوفتنا ونشيلها من التفكير مرره انا لي اسبوعين من استخدامي للخلطة وابشركم الصدفيه راااحت باقي شي بسيط لايذكر وان شاءالله تختفي كلها يارب..

انا حاب اقولكم الله يجزاكم كل خير يارب والله ماتدرون وش كثر انا مرتاح هالايام معكم والله يوفقكم يارب دنيا واخره ويجعل الجنه مثواكم ومثوى المسلمين اجمعين يارب انا راح اغيب فتره سفر ان شاءالله بس والله انكم في بالي وادعي لكم كلكم الله يشفينا واياكم وان شاءالله مايدخل رمضان واحد فيه شي اسمه صدفيه يارب وفي أمان الله...

[أحساس الزهور]

السلام عليكم ورحمة الله وبركاته...
كل عام وانت بخير ياأخ وليد وان شاء الله انك استفدت من الخلطة الدهيميه والحمدالله ان الصدفية موجودة بس في الأكواع مو مثل انا واخواتي في الجسم كلها منتشرة الصدفيه والحمدالله استخدمنا الخلطة ونشوف انو فيها تحسن ونتأمل الله انه يشفينا...

[بوسطن]

الف مبروك اخوى وليد والله فرحنا كثيرا لك ونتمنى الشفاء للجميع
شكراا للرد واخبارنا بالنتائج المفرحه

[بنت العم]

وانت بخير يا اخي وليد .....وجعل هالصدفيه تروح وما ترجع
اي خلطة اختي الدهيميه من الخلطات الرائعه وتجيب نتيجه طيبه للي يستمر عليها
وتقبل مروري

[الحايره]

ماشالله عليك اخوي وليد هذي النفسيات ولا بلاش الله يتمم عليك الشفاء وترى منتدانا فيه كنوز بس ماندري عنها وانا استفدت من خلطة الدهيميه كثير استمر وخلي جلدك دائما رطب ونفسيتك حلوه وانسى صدوفه عشان تنساك

[احساس مرهف]

نرجو من الله الشفاء لقد استمريت على خلطة الدهيمية لمدة شهر تقريبا او اكثر ولكن لم يحصل اي تغيير

[reem50]

الحمد لله اخي وليد وياريت تستمر شهرين بعدها ماراح اتشوف الصدفيه الا وهي ضعيفه وقابله للزوال خلال ايام من ضهورها
ربي يتمم شفائك

[احساس مرهف]

الحمد لله على كل حال والله يشفينا جميع

[وليد2001]

مشكورين اخواني على مروركم وان شاءالله راح استمر عليها طول العمر ان شاءالله انا الحين طالع اشتري الزيوت والفازلين ببدا بدايه جديدة وهالمره زيادة عليها حبوب اوميغا 3 وشاهي اخضر ان شاءالله..اخوي احساس مرهف انا من رايي تشتري الزيوت من محل وادي النحل لانه معروف وزيوته حلوه وجربها مره ثانيه مايمنع وان شاءالله راح تختفي الصدفيه بس اهم شي نفسيتك وانا اخوي ومشكورين جميعا

[بوسطن]

حياك الله اخوى وليد وكل عام وانت بخير
ونتمنى لك الشفاء ونشكر للرد وتجاوب معنا
والله فرحنالك ونتمنى الشفاء للجميع