مطبخ نور ( ملاك النور ) بالصور

[نور]

رغيف خبز فرنسي

فرّغت جزء بسيط منه ، عملت دوائر في منتصفه حتى تدخل فيهم الجبنة و تتشرب إلى داخل الرغيف

الدجاج ( قطعت الدجاج قطع صغيرة ، قلبتهم بلمعقة زيت زيتون و ملعقة زيت السمسم )
البهارات ( ملح ، قرفة ، ربع ملعقة برياني ، رشة زنجبيل ، و فلفل اسود )
(تم تسقيتهم بدبس الرمان و الحامض )
بعد 10 دقائق ، أضفت عليهم الذرة ، تركتهم على النار شي 5 دقائق اضافية

الطريقة : حطيت الجبنة كمرحلة أولى ( جبنة موزريلا و امنتال ) داخل الدوائر و على كامل الرغيف

حطيت حشوة الدجاج ، رشيت عليهم سمسم ، رجعت طبقة تانية من الجبن و رشة سمسم اضافية

الفرن بيكون سخن ، يتم وضعهم على نار خفيفة مدة 15-20 دقيقة ، لحتى كل المكونات تتعشق بعضها بالرغيف ..


الطعم رائع، جربوها ..



وهاي الصور بالمراحل ..

بقي عندي من الحشوة ، حطيتهم على رغيف بيتزا





















و صحة و هنا للجميع

[نور]

هذا الخبز الصغير

حطيت فيهم زبدة كلهم

و الحشوة جبنة منوعة ( أجبان عكاوي ، امنتال ، قشقوان / لبنة ، موز ، حلاوة ) ...

و هاي على خبز فرنسي

صحة و هنا و عافية على قلوب اللي أكلوا

[نور]

جبنة و زعتر

[نور]

دجاج و جبنة و بطاطا مسلوقة

[نور]

معكرونة ملونة مع فليفلة حمراء و أعشاب و زنجبيل و باشميل بالجبن

[نور]

تارت التفاح بالمكسرات

[نور]

مسخن الدجاح / رول

[نور]

حلاوة الجبن بالقشطة

التزيين زهر الليمون و الفستق الحلبي مع القطر

جبنة عكاوي بدك تكوني ناقعتيها منيح و مصفية المي عنها قبل بوقت
و شي كوب من السميد الناعم و البعض بيحط سميد خشن ( يعني الناعم هو ما يسمى طحين فرخة ) و هو عادة بيكون أنعم بحلاوة الجبن .
ماء زهر

شوية قطر ممكن تحتاجيهم خلال طبخها

و بس هاي هي الشغلة

بس بتحطي الجنبة على النار و بتبقي تحركيها لتذوب الجبنة و بتطلع كل ميتها
ساعتها بتصيري تضيفي من كوب السميد الناعم لحد ما تتشرب كل المي اللي طلعتهم الجبنة

و بتضيفي شوية ماء الزهر

و لو حسيتيها سمكت ممكن تضيفي برضة شوية قطر ( شيرة )

بتبقي تحركي حركة سريعة فيهم شوي

بعدين على الكاونتر و الأفضل يكون رخام الشغل عليه أسهل بتحطي كمية من القطر
و بتصيري تمدي من الجبن المطبوخ عليها و بحركة سريعة مع القطر بتصير تمد معك بسهولة

بتقدري تحشيها بالقشطة و بعدين تقطيعها و هيك أنا عملت

و بتقدري تقطعيها من الأول قطع صغيرة و تحشيها

و بتزينيها باللي بدك ياه


في طريقة تانية البعض بيعملها و هو أنهم بيذوبوا الجبنة بحمام ماء ساخن و بيجهزوها بباقي الطريقة فوق بس على حمام الماء الساخن

هالطريقة أفضل من ناحية أن الجبنة بالآخر خلال حشوها بتبقي عم تضمني أنها تبقى طرية أطول وقت ممكن



البعض بياكلوا حلاوة الجبن بدون حشو ، يعني يتم تقطيعها قطع صغيرة و يتم أكلها لوحدها أو مع اضافة القطر عليها ...

[نور]

وجبة خفيفة للأطفال
























مرتديلا بفستق ، و دجاج مدخن ، مع جبنة قشقوان
زيتون ، خيار ، مخلل خيار و بندورة كرزية


هو الفكرة هيك للأطفال عشان تكون فكرة جديدة من وقت للتاني
و شغلة تانية ممكن الأطفال برضه يساعدوا بالخطوات و يشاركوا بالتحضير













هدول التوست المقطعين بالقطاعات








باقي التوست اللي طلع من التقطيع عملت فيهم
كنافة بالتوست و الجبن و القشطة و السميد و الحليب ...

[نور]

كبسة ريش الغنم








هون تبلت الريش بالبهارات المنوعة







حضرنا البصلة قبل ما نبدأ بتشويح الريش شوي







بعد ما تم تشويح الريش و حطيت فوقهم بندورة و باقي البهارات و اللومي و الفلفل و البهارات الجافة











هون و هم عم يستوا






بس استوا الريش منشيلهم على جنب و نصفي المي اللي طبخنا فيهم الريش ، و نحضر فيهم الرز البسمتي المنقوع














بس نحط الرز و بعد ما يبدأوا يغلوا ، نصف الريش فوق الرز و نغطي على الطنجرة بقطعة قماش على الغطاء و نتركهم حتى يستوا



بس يستوا ، نصبهم بصحن التقديم و نعيد صف الريش على وجه الطبق و نضع عليهم اللوز ... و بجانبهم الصوص