بنت تطالع شاب وهو مع ربعة ولا نزلت عينهآ منه ،، وطلع الشآب ...؟؟؟؟

[ღ زهرة الشفاء ღ]

السلام عليكم ورحمة الله وبركاته :
بنت تطالع شاب وهو مع ربعة ولا نزلت عينهآ منه ،، وطلع الشآب شآعر .!!
ولا تدرون ، أخليكم مع القصيده ..

يقول:

......كل شبر بها الوسيعـه ملك ربي تعلمين
وأعلم إن اللي خلقني هو خلق لك هالعيون

لكن انتي من جلستي وانتي فيني تحدقين
كن ما به ناس غيري بها لكراسي يجلسون

لو سمحتي عاد أسمعي وحتى لو ما تسمحين
المهم اللي بقوله تسمعينه و يسمعـون

ع الأقل ليا نظرتك سوي روحك تستحين
غضي طرفك مثل غيرك خوف ربعي يلمحون

الركادة عاد زينة والحياء في البنت زين
وفيك جآزم لا ركادة ولا حياءٍ يـذكرون

تعرفيني ؟!أعرفك؟!ماأذكر إنا ملتقين
لا أعرفك من تكوني و لا تعرفي من أكون

وإطمأني إن كان قصدك بس فيني تشبهين
ما هو أنـا إلي تعرفيه والبشـر يتشابهـون

ما دريتي من التشابه يخلق الله أربعيـن.
وأعرف أربع يشبهنك بس والله يستحون

وإن كان قصدك شي ثاني عاد قولي وش تبين
خايف إنا نصير فرجة وإللي ماشتروا يتفرجون

وإذا ببالك عاجبتني لا يحوشك تحلميـن
صح ربعي من جمالك فيك صار يمدحون

بس وش لي في حلاتك دام فيها ترخصين
حشمة البنت وحياها والكرامة يلفتون
...
ولو توفر فيك هذا مع حلاتك تبشريـن
ما هو أنا ألف غيري بـاب بيتك يطرقون

وش علامك رغم كل اللي أقولـه وتسكتين
مو طبيعي هالسكوت وهالبرود وهالسكون

إنتـي خرسا أسألك ولا منتي تسمعين؟؟
قالوا ربعي ذي كفيفـة قلت لا لا تمزحون

لين شفتك يوم رحتي يمسكونك باليدين
ما دريت إلا عيوني أربع أربـع يذرفـون

آه ياني منه مشهد يوم شفتـك ترحليـن
جيت اشوف عيون ربعي لقيت الكل يدمعون

يالكفيفة يالعفيفـة إن قلت آسف تقبلين؟
يغفر الله ذنوب عبده ليا خطا وهل تغفرون

تحياتي لكم زهرة الشفاء