ارمي الفسيخ ده يا سيكو!!

[دعوة الاخوان]

سواق الميكروباص وقف العربية ودور وشه للركاب وبأعلى صوت شخط فيهم:
والله ما ان طالع بالعربية عشان الريحة المعفنة دى
واحد من الركاب قاله:
وإحنا ذنبنا إيه؟
الركاب بصراحة كل واحد سادد أنفه من فظاعة الريحة.. وفين وفين سيكو قام نازل
بلفة الفسيخ المعتق وخدها مشى 3 كيلو لحد بيت مسعود.
- انت هنا ازيك يا ابو الصلح
- إزيك يا سيكو؟
كل سنه وانتم طيبين.
مسعود بص لصالح وصالح بس لمسعود...بعدها رد صالح بحكمة :
- وانت طيب يا سيكو بس ايه المناسبة؟
مسعود وضح بسرعة:
-عايز اوضح شئ يا سيكو
- وضح
- شم النسيم ده مناسبة فرعونية ومش عايزين نشوه وجه مصر الاسلامى.
- دا عيد الربيع
- الربيع...النيروز مش مهم الاسم..المهم ان المجوس "عبدة النار"
بيحتفلوا بيه والفراعنه كانوا بيحتفلوا بيه.
- طب ما إحنا فراعنه.
رد مسعود بطريقة اوتوماتيكية:
- لآ إحنا عرب
صالح حط الفسيخ فى كيس نايلن محكم عشان الريحة وقال للثنائى
- على فكرة حكاية إحنا عرب ولا فراعنة ولا مصريين ولا مسلمين دى مقصوده عشان الحقيقة تتوه.
- إزاى يعنى؟
ببساطه انا عربى بحكم اللغة والجغرافيا مصرى عشان قناة السويس وطبق الكشرى
مسلم بالعقيدة - هل فيها مشكلة؟
مسعود قال لآ
وسيكو سأل طب والفسيخ ذنبه إيه؟
ضحك مسعود ووضح:
- الذنب فى الاحتفال نفسه يا طفس.
- أقطع دراعى لو فاهم حاجة
صالح مسك الخيط من تانى وقال :
- شوف يا سيكو... كل فسيخ زى ما تحب بس بشرطين؟
- اللى هما ؟
- يكون نظيف ومش فى التوقيت ده
- ماله التوقيت؟
- مش إحنا اتفقنا على عدم المشاركة فى إحياء مناسبة تساهم فى تشويه صورة مصر المسلمة؟
سيكو دخل فى حالة تفكير وتدبر وراح قايم واقف وقايلهم:
- عندكم حق..اكل الفسيخ فى يوم زى ده رمز فرعونى واحنا مش فراعنه إحنا مسلمين...إسمع يا مسعود...إرمى الفسيخ وجهز القعده والبيض الملون وأنا نازل أجيب رنجة!!!!
منقول