$$ ما اجملك يا رمضان$$

26-09-2007, 06:10 PM

زهرة الياسمينا زهرة الياسمينا غير متصل

مشرفة ملتقى القصة والعبرة

تاريخ التسجيل: Sep 2007

مكان الإقامة: alex

الجنس :

المشاركات: 4,147

الدولة :

** رمضان فى مصر**

رمضان فى مصر له طعم تانى
مليان حكاوى تملاك معانى
أصوات أذان
و أصوات أغانى
تملى الودان
و فجر مليان بالأمان
سهران ليلاتى
أصل الليالى لها شكل تانى
ف رمضان بلادى
وناس كتيرة
و فرن فيه ريحة الخميرة
و فانوس عيال
مليان خيال
و بتاع كنافه بيلف دور
و وراه يلف ألف دور
وناس بتتخانق عشان حق التابور
و عم جرجس أبو أبراهيم
يدخل يهدّى ويقول خلاص
رمضان كريم
يديله عم تهامى حته
من الكنافه
و يقوله فى غاية اللطافه
كلام سليم
وولاد كتير قبل الفطار
مقسمين بينهم فريق
و بيلعبواالكورة الشراب وسط الطريق
رمضان فى مصر له طعم تانى
مليان حكاوى تملاك معانى
فى كمان هناك على الرصيف
جنب الجوامع
و فى الشوارع
ناس بتعمل لناس فطار
لحمه و خضار
و كام رغيف
مساهمة من واحد شريف
و صلاة تراويح
بتخللى الناس تسرح فى الله
و تقول الله
على عظمة شهر بيجى معاه
كل التفاريح

__________________

« الموضوع السابق | الموضوع التالي »

الذين يشاهدون محتوى الموضوع الآن : 1 ( الأعضاء 0 والزوار 1)

تعليمات المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة Forum Rules

الانتقال السريع

الاحد 20 من مارس 2011 , الساعة الان 01:21:21 صباحاً.