حلمك ولا حلمهم؟؟؟

[شريف]

الموضوع منقول بس حبيت أعرف رايكم








مرة سمعت الجملة دي: أحيانا الواحد بيحس إن باباه ومامته بيستغلوا ان ربنا أمرنا ببرهم في إنهم يتحكموا في حياتنا.

هم أهلنا واحنا المفروض تبعا لبر الوالدين نسمع كلامهم ونريحهم علشان ما يبقآش عقوق وكده

بس الكلام سهل إنما الحياة العملية حاجة تانية تماما، أصل مش دايما بتبقى الأمور بسيطة بساطة الكلام اللي بيتقال ده.

أحيانا مثلا انت عايز تنزل مشوار من وجهة نظرك مهم جدا، ومن وجهة نظرهم ولا ليه أي لزمة، وعايزينك تقعد في البيت مثلا علشان سبب معين.

هم مقتنعين إن مشوارك مالوش لزمة وانت مقتنع إانه ليه لزمة أوي، وهما مقتنعين ان سببهم قوي وانت مش مقتنع بسببهم ده.

ساعتها هتعمل ايه؟؟ هتحكم رأيك وتنزل ولا هتمتثل لكلامهم؟؟

ولو امتثلت هتمتثل عشان خاطر ما يزعلوش ولا علشان خاطر هما ليهم عليك سلطة؟؟؟

ممكن يبقى فيه نشاط معين انت بتعمله في حياتك … بتروح جمعية خيرية .. بتشتغل في نشاط طلابي مش تبع الدراسة … داخل في اتحاد الطلبة … أي حاجة يعني .. وتلاقي أهلك مش موافقين عليها .. لمجرد انهم مثلا خايفين من التغيير و مش متعودين على كده منك .. عايزينك قاعد قدامهم وخلاص فاضيلهم مش من حقك تقول مرة معلشي مش فاضي بكرة آجي معاكو مشواركو ده مش من حقك تقول ينفع نأجل المشوار ده لتاني يوم .. ساعتها بتطلع بتفضل باقي الحاجات علي عيلتك وماعندكش انتماء ناحيتهم وزي القرع بتمد لبره

ولحد كده برده احنا لسه في السليم لسه بنتكلم في مشوار ونشاط طلابي إنما في بعض الأوقات الموضوع بيوصل لمرحلة مصيرية مش مجرد مشوار أو نشاط بتعمله جنب الكلية لأ ده وصل لحياتك بقى، وصل لأنهم هيحطولك خطوط حياتك وهيطالبوك تمشي عليها … وحق الرفض، مرفوض


أضرب مثال

اليومين دول هما يومين الثانوية العامة والتنسيق ومجموعك يدخلك ايه وانت عايز ايه وأهلك عايزينلك ايه … وروح أي مكتب تنسيق هتلاقي العجب وتسمع أفلام وحوارات

لسه النهارده الصبح واحد زميلي بيشتغل في مكتب من مكاتب التنسيق دول … بيقوللي فيه واحد غير رغباته كذا مرة بسبب أهله … ده الأهل دول حاجة أستغفر الله.

لما الموضوع يوصل لتحديد مصير هتعمل ايه؟؟ هتمتثل لرغباتهم ولا لأحلامك؟؟

مثلا ممكن يكون باباك أو مامتك شايفينك حاجة وبيحلمولك انك تطلع مثلا مهندس قد الدنيا أو دكتور قد الدنيا برده أو أي حاجة قد الدنيا … وانت طموحك انك تبقى قد الدنيا بس في حاجة تانية خالص غير اللي أهلك بيحلموا انهم يحققوها فيك.

في نماذج أعرفها أنا بعتبرها مآسي، أصل مش بيبقى أهله بيحلموله يبقى دكتور مثلا وهو عايز يبقى طبال، لأ خالص ده بيبقى أهله عايزينه دكتور وهو عايز يبقى مهندس أو باباه نفسه يطلع مهندس زيه وهو عايز يبقى محامي .. اللي هو المهنتين محترمين (تبع تقاليد مجتمعنا) بس الفرق ان ده حلمك وده حلم أهلك.

طب ده أنا أعرف واحد في طب أسنان وهو كان عايز يخش سياسة واقتصاد وما بيبقلشي الطب أبدا ومع ذلك أبوه غصب عليه يدخل طب لسبب بسيط جدا: ” يعني مين اللي هيمسك المستشفى؟“

فيه ناس هتقولك هحاول أحقق نفسي في المجالين، أرضي أهلي وفي نفس الوقت أعمل اللي أنا عايزه … اسمحلي ديه أحلام يقظة، لأنك مش هتقدر تشتغل في حاجتين بنفس الكفاءة اللي هتشتغل بيها في حاجة واحدة … وغصب عنك هتلاقي نفسك ميال انك تشتغل في الحاجة اللي بتحبها وبتفضلها على الحاجة التانية … وده معناه ان الشغل اللي مش من أحلامك ده هيقع يعني فلوس ووقت ضاعوا على الفاضي

وأصلا في معظم الحالات بيبقى مثلا أنا عايز أطلع صحفي وأشتغل في الصحافة وبابا عايزني أكمل معاه المشروع اللي عامله علشان خاطري مخصوص .. المجالات متضادة تمامااااا بحيث يستحيل معاها التوفيق بين المجالين وبيبقى لازم تختار بين خيارين كل واحد فهيم أصعب من التاني.

يا إما تحطم أحلام والدك اللي عاش حياته كلها عشان يحققهالك وده معناه إنك تتخلى عن أسطورتك الذاتية وحلمك لحياتك انت، يا إما تحطم أحلامك انت وتعيش حياتك زي ماهو راسمها ليك وده معناه حياة روتينية مملة لأن الإنسان بدون أحلامه وأهدافه بيفقد الرغبة في الحياة للحياة بيبقى عايش وخلاص انما مش عايش للحياة.

على فكرة مافيش إجابة نموذجية، عشان الإجابة بتختلف من شخص للتاني … حسب تربيته وحسب تفكيره وحسب إحساسه بأحلامه أصلا شكله ايه، عشان كده أنا مش قادرة أحط إجابة وأحاول أقنعك بيها لأنه هيفضل كلام نظري والواقع يختلف تمام الإختلاف.

ويبقى السؤال: هل بر الوالدين معناه انهم يملكونا؟؟ وهل ممكن توفق بين انك تحقق أحلامك انت وبين انك ترضي أهلك؟؟
ولو اتحطيت في موقف اختيار، هتختار ايه؟ أحلامك ولا أحلامهم؟

[راجية الشهادة]

السلام عليكم:جزاك الله خيرا الاخ الكريم
شريف
على هذا الموضوع بالغ الاهمية وفعلا نجده فى كثير من البيوت
وبصراحة انا اعتبر ان هذا استبداد من الاهل وانانية
فلقد خطط الاب لطموحاته واحلامه فلماذا يريد ان يسلب من ابنه حق الاختيار
وحتى لو هو ظلم وحرم من قبل اهله من هذا الحق فلماذا يريد ان يظلم ابنه كما ظلم
اعتقد ان هذا خطا فادح من الاباء والامهات ان يتدخلوا فى تقرير مصير ابنائهم الذى من الممكن ان يؤدى الى شقائهم بقية عمرهم وكما ان الابناء مطالبين ببر اباآئهم وامهاتهم فالاباء والامهات مطالبين باعانة ابنائهم على برهم
ولا يعقل ان يكون شخص بالغ ورشيد ونختار له بل يجب ان ننصحه ونقترح عليه ماهو افضل له من وجهة نظرنا ثم نترك له حرية الاختيار
ولكن فى بعض الاحيان يتطالب الامر الاجبار من الاهل وفرض ارآئهم فاذا كان الشاب يسعى للزواج من انسانة غير ملائمة له وهو لايرى هذا(مراية الحب عمياء)فهو لايرى سلبياتها كما يراها اهله ففى هذه الحال وجب اجباره لان الجميع سيتحمل عاقبة سوء اختياره وليس هو وحده
اما الدراسة فذلك تبعا لميول وقدرات كل فرد فلا يجب ان يجبر على شئ لايحبه(يجب ترك مساحة من الحرية)
وفى الختام انا افضل لغة الحوار بين الاباء والابناء (تقنعني او اقنعك)
فاذا كان شئ لايغضب الله فلا مانع ان يتشبث الابن بما يشعر انه يناسبه
اما اذا وصل لمرحلة ان يغضبهما ففى تلك اللحظة اجد ان الافضل ان يتخلى عن احلامه من اجل ارضائهما وانا على يقين تام ان الله سيعوضه خيرا عن ما تركه برا لوالديه
دمت بكل خير وحفظك الله

[شريف]

أختي راجية االشهادة

بارك الله فيك وجزاك الله خيرا

وكما ان الابناء مطالبين ببر اباآئهم وامهاتهم فالاباء والامهات مطالبين باعانة ابنائهم على برهم

جملة رائعة جداا

رايت جملة مكتوبة قبل كده بتقول ( لا تعق أولادك وهم صغار حتى لا يعقوك وهم كبار)
الجملتين متوافقتين جدااا

الشاهد من الموضوع

أن الكتب الأصلي للموضوع ضرب مثال واحد فقط، ده غير بقية أوجه الحياة على اختلافها وتعددها

وخدي عندك مثلا لما اب وأم يتحكموا مثلا في أتفه الأشياء مثل الأكل والشرب ويعملوا عليها خناقات كبيرة جدا لمجرد أن الابن مش عايز يأكل الأكلة دي و ما بيحبهاش

شيء سيء جداااا

لما تلاقي اب يعمل مشكلة كبيرة جدا مع اولاده على اشياء لا تستحق اي اهتمام
ناهيك عن الي يستحقوا الاهتمام

فتلاقي البيت مولع دائما ومفيش راحة

[أمنية حياة]

جزااااااااااااك الله خيرا
اكيد متل هالظااهرة منتشرة بهالأياااااام
وأكيد هناااك اخطااااء فاادحة من كلا الطرفين
بس بعتقد يجب انو الانسان يصبر ويحكم عقله لما يختاااااار أي شي
اكيد لغة الحوااااااااااااار الهاااادئ أفضل شي
وبالدعاااااااء والتوجه لربنا بنحقق يلي بنحلم فيه وبيحلم فيه أهلنا
بس أهم شي ما نكون بنعصي وااالدينا لانو مصيرنا نصير أباااء وامهاااات
أكيد لازم الاهل يتفهموا أولاااااادهم
بوووووووركت اخي الكريم

[&مجد الاسلام&]

بارك الله فيك اخي الكريم شريف
الحمد لله ان جعلني في ايدي امينة بابا وماما مو كدا
اصلا الله سبحانه وتعالي لا يوفق الانسان في طموحه وهوغير بار بوالديه فهو خير من الدنيا وما فيها رضا الله من رضا الوالدين لازم الانسا يعمل الاشياء الواجبة عليه والوالدين لازم يساعدوا اولادهم في تحقيق اهدافهم ويشجعوهم
احنا عنا بمنتطقتنا الاهلي بعلا ضعتهم وبيعملوا المستحيل وبدفعوا مبالغ كبيرة لتحقيق اهداف ابناهم والشباب ما بهمهم شئ
الله يهديهم والمشكلة الواحد بندم بعد فوات الاوان ويكون ما بيقدر يعمل شئ
تقبلوا تحياتي ومروري

[شريف]

كلامكم بيقول أن اللي بيحصل ده نتيجة لأن الأبناء غير بارين بآبائهم

ده ممكن يكون صحيح في بعض الحالات

لكن فيه حالات أنا شفتها بنفسي

الولد بيكون كويس جدا وبار بأبويه غلى أقصى درجه ولكن المشكلة تكمن في تصرفات الأب والأم وطريقة التفكير

هي دي المشكلة

أن لا يتفهم الاباء أبناءهم

[أمنية حياة]

نعم كلامك ياا اخي الكريم صحيح
كثيــــــــــــــــر هم البااااارين بواااااليهم ولكن ....
برغم ذلك مهما يكن هم أباااااءنا قبل كل شي ولازم نصبر
سيدنا ابرااااااااهيم عليه السلام صبر على واالده وبالعكس دعاااااله بالخير مع انه والده كان يدعوه للشرك
طاااالما انو ما وصل لهاالشي
يبقى لازم نحمد ربنا وان شاااء الله بالدعااااااء اكيد كل شي بيتحقق
بس لااااازم نحترمهم لو شو ماعملوا فينا ...
دول أباااءنا ابااااءنا ؟؟؟؟؟؟؟؟؟؟؟؟؟؟
بس الحمد لله انا والدي وماامتي ما في منهم بالدنيا
اللل يحفظهم يااااااارب

[شريف]

المشاركة الأصلية كتبت بواسطة أمنية حياة

نعم كلامك ياا اخي الكريم صحيح
كثيــــــــــــــــر هم البااااارين بواااااليهم ولكن ....
برغم ذلك مهما يكن هم أباااااءنا قبل كل شي ولازم نصبر
سيدنا ابرااااااااهيم عليه السلام صبر على واالده وبالعكس دعاااااله بالخير مع انه والده كان يدعوه للشرك
طاااالما انو ما وصل لهاالشي
يبقى لازم نحمد ربنا وان شاااء الله بالدعااااااء اكيد كل شي بيتحقق
بس لااااازم نحترمهم لو شو ماعملوا فينا ...
دول أباااءنا ابااااءنا ؟؟؟؟؟؟؟؟؟؟؟؟؟؟
بس الحمد لله انا والدي وماامتي ما في منهم بالدنيا
اللل يحفظهم يااااااارب

رحم الله والديك وأدخلهم فسيح جناته
اللهم آمين

بارك الله فيك أختي الكريمة أمنية حياة

نعم لا مفر من الصبر