تعالى نتكلم

[زهره الايمان]

بسم الله الرحم الرحيم

عمرك سألت نفسك أنت بتتفرج على المشاهد دى ليـــه...؟؟!!
وإيه إللى مش بيخليك تبطـل...
1-"لما بتفرج بصرف شهوتى.. وده بيمنعنى إنى أعمل معصيـة أكبر.."
حاجة كويسـة إنك خايف من الأكبر ومش عايز تعمله ..وده معناه إنك نفسك تعمل الصح.. لكن أحب أنبهـك إن الكلام ده أكبر مدخل للشيطان علشان يخدعـك ويزين لك الحرام .. ويسهله على نفسك وقلبك ..ويوقعك فى الكبائر خطوة بخطوة...
عمرك شوفت عطشـان بيشرب من البحـر ..مع إنه مليان ميه..؟؟!!
ماتفتكرش إنك مهما هتشرب من الحرام هتروى شهوتك... بالعكس ..
الصغير يخلى الكبير يبقى أسهــل .. والبعيد يبقى أقرب ..وتعطش أكتر .. لأنهـا ميه مالحـة ..لازم تقفل الطريق من أوله...
2-الحاجات دى بتبسطنى وتخلينى متظبط ومستمتع جدا
صدقنى دى متعة وقتية وبتزول بسرعه جدا , واللى بيطول بعدها شعورك بالضيق والهم اللى يتحول مع مرور الوقت لشعور دائم ومستمر .. انت مش عارف سببه ولا ازاى توقفه ...
وبكده أنت بتشترى لذه لحظـات بساعات من المعاناة ... فى دينك وفى نفسيتك .. وفى صحتك .. وفى كل حياتك ..وكمان فى أخرتـك
وعلى فكـرة ممكن تستمتع وتعيش مبسوط فى حياتك لكن بالحلال ... حاول تجرب وتذوق طعم المتعه الحلال .. اشغل نفسـك وحقق طموحاتك .. وصدقنى هتحب المتعه الحلال...
3-هى جات عليا .. كل الناس بتعمل كده مش انا لوحدى...
لو الناس كلها بترمى نفسهـا فى حفرة نـار ..إفرح إنك الوحيد اللي نجيت منهـا... وإفتخـر وماتخجلش أبدا إنك تكون وسط أصحابك مختلف ومتميز بالصح ...
ماتقبلش إنك تكون مجرد تابع للناس .. لو غلطوا تغلط معاهم ...ولو تمادوا تتمادى ...
فين شخصيتـك اللى أنت مقتنع بيهـا...وتأثر بيها فى اللى حواليك .. بدل ما يأثروا فيك ويوقعوك معاهم ...
4-أنا شاب ولازم أعيش لى يومين .. وأنا عارف إنى لما أكبر وأتجوز حبطل ...
لو تضمن تعيش لبكره .. لو تضمن إن الموت مايجيش...ساعتهـا تقدر تعمل اللى انت عايزه...
لكن أحب أنبهك إنك بالمعاصى دى مش بتستمتع .. دى مجرد لذه لحظيه وبعدهـا ندم طويل ..ومعاناة الدنيا قبل الأخرة..
والفكره مش فى الجواز وخلاص .. الفكره إن فيه واحـد بيعرف يسيطر على شهوتـه ويتحكم فيهـا .. وواحد شهوته هى اللى محركـاه...
إفتكر كام واحد إتجوز وبرضه بيبص على الحرام .. ولسـه بيدخل على مواقع ويشوف أفلام...
التعلق بالحرام ده عامل زى المارد الصغير إللى جوه كل واحد فينـا .. لو كبرته وربيته هيكبر ويقوى ويبقى اكبر منك ... وساعتها مش حتقدر تسيطر عليه ...
لأنه هوه إللى هيحركك..وعينيك إللى إتعودت تبقى من غير لجام... حتفضل تبص وتقارن زوجتك بغيرهـا ..
وهتعيش حياة زوجيـة تعيسـة .. وبنفسيـة بائـسة...اقتل المارد جواك وهوه لسه صغير ...وخد القرار من دلوقتى قبل فوات الأوان....
5-"المغريات كتير فى الشارع والدش والنت ... وبقت سهله .. وانا مش قادر اقاوم .. وكل ما ابطل أقع تانى ..."
فعلاً الحرام بقى سهل وفى كل مكان .. بس تفتكر إن ده مبرر إنى آخد من أذاه .. عندك مثلاً القمامه فى الشوارع وفى كل مكان .. هل ده مبرر إنى أخد منهـا وأحوشـهـا فى بيتى...هو الحرام كده.. كثير وسهل لكنه خبيث .. بيموت القلب ..وكل ماتاخد منه يضرك ويتعبك ..
حاول ياصاحبى تبطــل .. وخليك حاطط فى بالك إنك تقدر تبطل ..تقدر تتغير..
مهما وقعـت .. مش معنى إنك وقعت مره إن الدنيـا إتهدت .. كل محاوله مش بتنجح بتقربك من النجاح خطوة .. المهم إنك تكون مقتنع بقرارك ..ومقتنع إن الغلط لازم يقف ...
وإسأل نفسـك.. فيه حد بيتعلم السواقه فى يوم وليلة؟... لازم يجرب مره واتنين لغايه مايعرف إزاى يسوق كويس...
وأنت كمـان لازم تجاهد نفسـك وتصبر عليهـا لغايه ماتعرف تسوقهـا كويس ..خليك شديد ..وعزمك حديد.. وصدقنى هتقدر تبطل ..وساعتهـا حيكون ثوابك أكبر وأنت ثابت فى زمن الفتن...

والله يريد أن يتوب عليكم ويريد الذين يتبعون الشهوات أن تميلوا ميلا عظيما
حملة أوعى تميل
حملة شباب إسكندرية للتوقف عن
مشاهدة المواقع والقنوات الإباحي

ة