تعالو شوفوا اخر ما توصلت له لعلاج الصدفيه

[أم ناصرررر]

السلام عليكم ورحمة الله وبركاتة
ان شاء الله الجميع بخير وعافيه باذن الله تعالي
تعرفون طبع ام ناصر اذا لقت شي دايما تقوول لكم من دون مقابل شي ابي الدعاء بس
ياجماعة الخير العلاج لقيته بس والله لحد الان مو مصدقه
شي ما تتصورونه وموجود يمكن في كل بيت
بس فيه عيب واحد انه يظهر لكم النقط يصير اجسامكم منقطه لانه لونه قامج
تدرون راجعت من كم يوم دكتورتي وريتها ايدي اليسار تعرفون الصدفيه وتجمعها الاكثر باللاكواع والله ياخوان وخواتي انه حتى الجلد جسمي رجع قامت الدكتوره وقالتلي شحاطه يام ناصر يا ام التجارب
قلت لها دوا البنفسجي ما لجرووح احنا (بالكويت نسميه العايديد ) انصدمت وقالت عفيه عليج قلت شرايج يادكتورتي بالنتيجه قالت رايحه والله بوادر طيبه
بس بقولكم الملاحظات
1- اول ما تدهنون المنطقه مو اقل من ساعتين تحسون بقرصه مو طبيعيه بالصدفيه شنو السر الله والعالم
2- شنو عيبه شي واحد يخلي الجسم ملون مايرووح بسرعه
3-الشي الزين فيه لاكرتزوون ولا غيره
4- كلمت الصيدلي وقلت دكتور شنو فايدة الدوا البنفسجي قال معقم جرووح
5- عاد انتو براحتكم تبون تجربونه خير وبركه واللي مو مقتنع بالدوا براحته
6- طريقته انا اقولكم تجوبون قطن الاذن وتقومون تصبقون صدوفاتكم وترقدون
راح من باجر ما راح تصدقون النتايج
اتمنى لكم الشفاء وراحة البال

[جودينا]

مشكوره يم ناصر يعطيك العافيه

ولو عندك الصوره يكون احسن

[هجهوج]

هذا علاج ام هجهوج من سنين
وهي تقول تعال خلنا نكركمك
هو ييبيس المنطقه ويخليها تنشف
اتوقع يجيب نتيجه

[سعيد مسلم]

شكرا لك يا اختنا الغاليه صاحبة القلب الطيب ام ناصر
عندنا الدواء الاحمر و عندنا الدواء الازرق لكن ما عندنا في المغرب حسب اعتقادي بنفسجي
و الله يخليك دخرا لهذا المنتدى الطيب

[قاهر الصدفيه]

تصدقين يا ام ناصر تعجبني وصفاتك
وحلو انه معقم ولافيه كورتزون
الف شكر لك

[أم ناصرررر]

يا هلا فيكم جميعا
ينشف الصدفيه ويمحيها محي وتصير على مستوى جلدك
احاول اصوره وانزله ان شاء الله
كانو الاولين اذا واحد من العيال طاح بالشارع وخاصتا على الركب ما يروحون طبيب
على طول جابو هالدوا واعطوه صبغه
يلمم الجرووح
جربوه ما من حسافه
اشكر مروركم جميعا

[ألانوار]

مشكورة أم ناصررر فعلا وصفاتك طيبة وسهلة بس عندنا اللون الاحمر الغامق الي يستخدموه للعميات الجراحية الكبرى هل هو؟؟ لو صورة منه ممكن افضل نشوف مكتوب ماذا على العلبه حتى نتأكد ونشتريه .. هل صدوفاتك راحت منها يالله يامسهل الامور

[أبو ريماس]

يا مال العافية والله يام ناصر الله يجعلتس ذخرن للمنتدى وأعضائه ...

وان كان ما خاب ظني هو التنتريون ... ولكن زي ما قال بعض الاعضاء التنتريون يجي منه لونين ( أحمر ) و ( أزرق ) بس ما خبرت منه بنفسجي الا ان كانهن يخلطن ثم يصير اللون ( بنفسجي ) !!!

[هجهوج]

تنتريون جبته يبو ريماس ذكرتني يوم اني ساكنن في شارع العطايف
هو الازرق هو نفسه البنفسجي بس يمكن ضاربته الشمس

[احساس زوجه]

فديتج والله لأم ناصر

حنا محتاجين هالتجارب الحلوه والاختراعات البسيطه


جاري التطبيق عالصدوفه الكبيره وانشالله انشوف نتايج تسر الحال


الف شكر لج يام ناصر