ياطلاب توجيهي تعالوا هنا..

[@أبو الوليد@]

انا مش بس طالب توجيهي ... انا التوجيهي طالبني كمان
الكل بيقولي خليك بدراستك ... فش زي الشهادة بها الزمان
انسى الطشات والسهرات ... كإنك سجين والكتاب سجان
لا تشوف قرايب ولا أصحاب ... لا تروح على المطلعم ولا على الدكان
اتغدى قوانين واتعشى معادلات ... واشرب كأس من مرارة الامتحان
لا تلفزيون ولا كمبيوتر ... ولا تلعب حتى مع حيوان
حتى الروحة على الحمام ... قبليها استدعاء وبعدها اصدار بيان
نام متأخر واصحى مبكر ... وجهك غسل واحلق بمعجون اسنان
كامل فاضل ادرس ناضل ... قلمك حامل في وجه العدوان
ثابر تابع درسك راجع ... لربك راكع انت وحدك الي كسبان
واجه داوم المشاكل قاوم ... كون عالم بعمرك ما بتنهان
اذا نجحت بتنفع حالك ... واذا بترسب بنفعكاش انسان
وقت الجد جد وما في مزح ... انت مش عايش بعصر الرومان
امشي مع شباب دريّسة ... وسيبك من شلة الزعران
روّح على الدار طوّالي ... وفكك من معاكسة النسوان
هـو صحيح الشغلة بتسلي ... بتشفي العليل وبتفرح الزعلان
بس التوجيهي تحدي ... وما بفوز فيه الا الذكي الفهمان
بكره بتقول يا ريتني درست ... يا ريتني سمعتك وما كان الي كان
بقولك أبوك : يابا يا حبيبي ... اذا بتنجح بسفرك على الصين او على اليابان
وبجيبلك سيارة اخر موديل Bmw... أو فيراري او حتى نيسان
واذا بتحب بجوزك احلى بنت ... حتى لو كانت بنت " كوفي عنان "
انت بس انجح وارفع راسي ... وما تفضحني بين الاهل والاخوان
ركّز بالحصة مع استاذك ... تقضيهاش تلعب وسرحان
وبينزل فيك نصايح ... تقول واقف قدام لقمان
يا طلاب التوجيهي الاعزاء ... احلفكم بالله الحنان المنان
فش احلى من النجاح ... حتى لو بتقلع عينك او بطيرلك ذان
لا ترسب ولا تعيد السنة ... تخليش واحد يكون فيك شمتان


بلاش تكون آخرتك بو بجي ... او صاحب بسطة او بياع خوان

[عبق الأحبة]

هههههه الله يعين طلاب التوجيعي سوري قصدي التوجيهي
مشكور اخي لما قدمت
دمت بخير

[ورد جوري]

والله عجبتني كتير هالقصيده
بس لو يلتزموا فيها الطلاب
...
السلام عليكم مشرفنا الكريم
ابو الوليد
ارى قلمك قد انار الترفيهي من جديد
نتمنى المزيد من مشاركاتك المفيده الملتزمه
بارك الله فيك

[قسامية غزه]

ههههههه
والله ايام التوجيهي متعبه بس بتسيب ذكريات حلوه
تحياتي مشرفنا الكريم

[فتاة القسام]

أضحك الله سنك أخي ابو الوليد ..

هي سنة متعبة أكيد ولكني مستمتعة بها

مشكــور ،،

[محمد أبوفيصل]

بارك الله فيك

[المسلمة الملتزمة]

التوجيهى الله يعين بس اللى بيذاكر اول باول ما بيحس بالصعوبة
اسألونى انا
بس للان ما خلصت التوجيهى

[@أبو الوليد@]

المشاركة الأصلية كتبت بواسطة ورد جوري

والله عجبتني كتير هالقصيده

بس لو يلتزموا فيها الطلاب
...
السلام عليكم مشرفنا الكريم
ابو الوليد
ارى قلمك قد انار الترفيهي من جديد
نتمنى المزيد من مشاركاتك المفيده الملتزمه

بارك الله فيك

وعليكم السلام مشرفتنا الكريمة ورد جوري جزاكي الله خيرا
لاأستطيع أن أفارقكم لأنكم نقشتكم معزتكم في خواطري جزاكم الله خيرا

[@أبو الوليد@]

المشاركة الأصلية كتبت بواسطة عبق الأحبة

هههههه الله يعين طلاب التوجيعي سوري قصدي التوجيهي

مشكور اخي لما قدمت

دمت بخير

صدقتي بكلامك
مشكورة على مرورك الطيب

[@أبو الوليد@]

المشاركة الأصلية كتبت بواسطة المسلمة الملتزمة

التوجيهى الله يعين بس اللى بيذاكر اول باول ما بيحس بالصعوبة

اسألونى انا

بس للان ما خلصت التوجيهى

مشكورة على مرورك اختي الفاضلة بوركتي