ظلمنا ولا اتظلمنا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[terrs]

بسم الله الرحمن الرحيم
اولا ممكن طلب بسيط نقرا الفاتحه لوالدي . ومتشكره لكل اللي هيساعدوني وربنا يبارك فيكم يارب
ثانيا معلش سامحوني لوهطول عليكم شويه
مشكلتي بجد كبيره وانا تعبانه اووي ومحتاجه مساعدتكم . انا مش عارفه ابتدي منين معلش استحملوني بتبدا الحكايه من اول ماوالدي تعب وسفرناه علي مصر يتعالج هناك من جلطه من المخ . شحصيات الحكايه الرئيسيه هما ( والدتي- ومحمد ابن عمتي_ وعمو كمال (ابن عم بابا) _ وعمي ربنا يسامحه )طيب كل فرد من دول كانو مع بابا ( رحمه الله وغفرله) ال 45 يوم اللي عناهم في المستشفي وكانو يذهبون الي مصر ويعاودون كل حين للاطمئنان علي بيتهم وابنائهم باستسناء ماما كانت معاه ال45 يوم . لحد كده كويس توفي ابي بعد ذلك ومن هنا بدات المشكله . يوم الوفاه اقيم السوان في بيت ( عمو كمال) في البلد حضرو عماتي حيث جو الحزن والبكاء واذ فجأه عمتي تقول لوالدتي بنفس اللفظ( احنا عطينهولك حي ترجعهولنا ميت) لم اعرف ماذا حدث ولكني كنت لست فائقه ولاكني سمعت هذا الكلام من عمو كمال . بعدها بيومان افاجيء بمطالبه عماتي وعمامي لماما بدفع الفلوس التي دفعوها لبابا في المستشفي وهي مبلغ وقدره( 50 الف جنيه) . صدمت وانهارت وامي لا استطيع ان اوصف حالها . ابي لسه متوفي وماذا يطلبون؟
وبعدها باسبوع جلسو في البلد عند (عمو كمال) لا اعرف ماذا اقول عن هذا الرجل لايكفي الكلام في التعبير عن شهامته وجدعنته واصله الكريم معنا . كان مع ابي باستمرار واول مافاق باس علي يده وبكي مثل الاطفال وكان لايجعل امي تدفع مليم وهو هناك في مصر علي الرغم من ان علاقته بابي كانت محدوده . معلش خرجت برا الموضوع استحملوني وبعدين راحو البلد وعمي تكلم باسم عماتي وطالبو بالاموال وقال لها بالنص ( ياما تدفي التمن من نصيبك في كل حاجه ياما تتصرفي ملناش دعوه وتجبلنا الفلوس باي شكل) ماما قالت اجيب منين وبعدين ابني داخل علي ثانويه عامه والمصاريف ( حرام عليك هتصرف عليهم انت هتاكلهم او تشربهم اليتامي دول؟) قالها ماليش دعوه اتصرفو
يجي دور محمد كان شاهد معانا عيلي كل اللي بيحصل وواقف جنب ماما وهو كان بابا ( رحمه الله) مكنش خاله لا كان باباه .وكان بيدافع كمان عنها . المهم اتفقوا علي بيع عربيه بابا وانها متدخلش ضمن المجلس الحزبي . العربيه جابت 45 الف جنيه وسلمتهم ماما لعمي وكان معانا خالو في الوقت دي وقال عمي( كده ناقص 5 الاف) في اكتر من كده؟؟؟؟؟ احكمو انتو . طيب وبعدين خالو قالو ربنا يسهل انشاء الله نبقي نجبهم بعدين. بعديها مشينا ماما انهارت وانا كمان وخالو قالها لما ربنا يسهل نبقي نديهم وخلاص كده نقطع معاهم؟ . ماما ردت( بس دي مش من حقهم . حسبي الله ونعمه الوكيل) بعديها بيومين رحنا زرنا بابا مع عماتي وبعديها بيوم راحو البلد وسبوا ماما بكل ما تتخيلو والاهانات عمتي تقول( بنته رايحه تزوره وحاطه كحل)ماعلينا وعمي قال ولله مانا سايبها وكان في الوقت دي بيلف علي كل خيلاني عشان ياخد منهم الفلوس وعمتي تقول لعمو كمال ( مكنتش خلصتلها الورق بتاع اعلان الورراثه ولا ساعدتها عشا تلجا لينا زي الكلبه) . اااااااه انا ولله ما ببالغ الكلام دي حصل بكل حرف فيه ولله شهيد علي ما اقول .معلومه مهمه ؛ ماما كانت علي علاقه كويسه ببابا ( رحمه الله ) لمده ال19 سنه ولله ماكن في زوجين بيحترمو بعض زييهم
والمعلومه الاهم: احنا وامي بالذات كانت علي علاقه جيده جدا بعماتي انا بجد اتصدمت فيهم وكنا بنسافر مصايف مع بعض ونطلع رحلات؟؟. ياسبحان الله كل ده عشان الفلوس؟؟؟؟؟؟؟؟؟؟؟؟؟؟؟؟؟؟؟؟
محمد بيتصل بيا ولماما باستمرار علي الرغم من اهانات والدته. وفي موقف حصل ساعه بيع العربيه ابن عمتي التالني ( حسام) شغال في ورشه ميكانيكاوساعه بيع العربيه حط بطاريه جديه لان التانيه باظت وقال الموضوع دي لماما بعد بيع العربيه وحلف انه ما هياخد حقها بس قال جمله لايمكن انساها ابدا ( قال ياطنط دي اقرب الناس اتنصروا من فلوس خالو هبقي انا كمان زيهم) تخيلو
ولله ابي مش بشهدله دي بشهاده الناس كان احسن حد فيهم واطيب مخلوق عمره مأذي حد ولا ضر حد والناس كلها كانت بتحبه وعمره معمل فيهم حاجه وحشه
طب في الاخر ليه بتترد الحسنه بالاساءه ليه؟؟؟؟؟؟؟؟؟؟؟؟؟؟؟
لحد دلوقتي كل يوم في مشاكل وامي خلاص بجد حالتها بتسوء وانا مش بايدي حاجه؟؟؟؟
ممكن تساعدونيييييييي بجد محتاجه رايكم ؟
احنا ظلمنا ولا اتظلمنا؟؟؟؟؟
احنا غلط ولا صح ؟
هل يبقي دي دين علي بابا ( اللله يرحمه ولازم نسد ال5 الاف الباقيه)؟؟؟؟؟؟؟؟؟؟؟؟
طب انا اعمل ايه بعد كل اللي حصل اكلمهم ولا لا طب وصله الرحم؟؟؟؟؟؟؟؟؟
ارجوك \ ي ساعدني
واخيرا متشكره لانكم استحملتوني واسفه مره تاني علي الاطاله.

[المسلمة الملتزمة]

وعليكم السلام أختاة

أختى الباب اللى يجيلك منه الريح سده واستريح