رد: لو سمحتوا يااخوتي ممكن اعرف كم تكلفة العلاج باابر الكوزنتكس في السعودية
السلام عليكم
اتمني اقدر افيدكم، انا بشتغل ف المجال الطبي
بخصوص النتائج الكوزينتكس فعلا اثبت فاعليه وتفوق ف صدفيه الجلد مقارنة بباقي العلاجات البيولوجيه ،، وله فاعليه جيده جدا فيما يخص تيبس العمود الفقري و صدفية المفاصل
الاسعار: اكيد ف كل دوله نظام التآمين ممكن يغطي مرضي كتير ولكن انا هنا هقول الاسعار التقريبيه عشان لو حد هيشتري ع حسابه يقدر يشتريه بارخص سعر ممكن.
الكوزينتكس متوفر بتركيز 150 mg ومريض الصدفيه يحتاج ف الجرعه الواحده 300 mg يعني حقنتين
ف السعوديه وحسب ما بعض الاخوة وضحوا سعر الحقنه الواحده 150 mgحوالي 3000 ريال حوالي 800$ للحقنه
ف الامارات سعره حوالي 1500 $ ومش متاكد الحقيقه ممكن اقل من كده
ف مصر 9580 جنيه ما يعادل 225 $ للحقنه
يعني كل الاسعار دي تضرب ف اتنين عشان تعادل الجرعه وهي 300
وحسب معلوماتى خلال الفتره القادمه سيبدا طرح الكوزينتكس ف عدد كبير من الدول العربيه الاخري
وجب التوضيح انا مش بتاجر ولا ابيع اي حاجه،، ولكن ممكن ارشد اي حد محتاج يشتريه من اي صيدليه والشركات دي بتعمل بعض العروض لمساعده المرضي ف صوره جرعات مجانيه عند شراء عدد جرعات معين وهكذا
بخصوص الاعراض الجانبيه: اعتقد للاسف كثير من اطباء الجلديه واللى معندهمش خبره عموما ف العلاج البيولوجي معندهمش درايه كامله بالعلاج الحديث،،
عموماف الادويه الحديثه مثل كوزينتكس وتالز اقل بكثير ف الاعراض الجانبيه
تحياتي للجميع،، ولو ف اي سؤال تحت امركم
|