عرض مشاركة واحدة
  #1  
قديم 26-05-2022, 06:18 PM
الصورة الرمزية ابوالوليد المسلم
ابوالوليد المسلم ابوالوليد المسلم متصل الآن
قلم ذهبي مميز
 
تاريخ التسجيل: Feb 2019
مكان الإقامة: مصر
الجنس :
المشاركات: 131,505
الدولة : Egypt
افتراضي لو بتشطب شقتك.. نصائح لازم تعرفها قبل تركيب الكهرباء والإضاءة

لو بتشطب شقتك.. نصائح لازم تعرفها قبل تركيب الكهرباء والإضاءة


كتبت- نورا طارق
إضاءة المنزل


تعد خطوة تجهيزات أساسيات التوصيلات الكهربائية من أهم الخطوات في تشطيب البيت، لأن أي خطأ بها سيترتب عليه مشاكل كارثية فيما بعد، وقد تضطرنا إلى تكبد تكاليف مضاعفة لإصلاحها.
ولضمان إنجاز التركيبات الكهربائية بطريقة مثالية، قدم مهندس الديكور، سيد وائل لـ"اليوم السابع" بعض النصائح التى يجب معرفتها عند تركيب توصيلات الكهرباء للمنزل.


تحديد أماكن قطع الأثاث


قال مهندس الديكور :"يجب تحديد أماكن قطع الأثاث، مثل السرير والأريكة ومكان التلفاز، والتكييف وهيكون كام حصان، وهتعمل جيبسم بورد ولا لأ ؟، فمثلاً عند تركيب الكهرباء فى غرفة النوم، يجب وضع الكهرباء شمال ويمين السرير، للأباجورة أو شحن هاتف المحمول وهكذا من طرق الاستخدامات، وكذلك فى غرفة الصالون والمطبخ، ولو هتعمل جيبسم بورد وفيه سبوتات، يجب تحديد مكانه من الأول، عشان لازم ترميله خرطوم فوق للسبوتات في عملية التأسيس منعاً لحدوث تكسير بعد ".

شراء الخامات

أشار مهندس الديكور إلى ضرورة شراء الخامات من محل موثوق منه، وخاصة الأسلاك، والتأكد من أنها أصلية، حتى لا تحدث مشاكل داخل المنزل.
وتابع :"الكهربائي يبدأ في التكسير عشان يثبت علب الكهرباء وبعد كده بيمد الخراطيم ويبدأ يعمل شبكة بين العلب وبعضها ويشد سلك بينهم، ويجمع اللوحة ويركب مفاتيح اللوحة الرئيسية، ويعمل مخرج سلك في أي مكان محتاج سلك، زي مراية الحمام وشفاط البوتاجاز ".

نصائح عند تركيب الكهرباء

نصائح للتأكد من "شغل الكهربائى"


قال مهندس الديكور :"لازم تتأكد أن العلب السفلية كلها على نفس المستوى ولو حتى بالعين، ولازم تكون متابع الكهربائى وهو شغال إنه مظبط العلب وإنه بيمسك على كل علبة ميزان المياه ويوزنها، لأن لو فيه علبتين جنب بعض، وهتيجي تركب الوش الخارجي بتاعهم، هتلاقي واحد مايل عن التاني، وهيبقي شكلها مش لطيف ".
وعند شراء الأسلاك من الضروري معرفة أن سلك التكييفات يفضل يكون 6 مم، وسلك البرايز 4 مم أو 6 مم، والبرايز والمفاتيح 3 مم، والسبوتات 1.5 أو 2 مم ".

تركيب الكهرباء

مراجعة توزيع الإضاءة


وتابع مهندس الديكور:" لازم تتأكد إنه وزعلك الإضاءة زي ما أنت عايز، مع التأكد من أن العلب والخراطيم مش بارزة عن المحارة القديمة ومثبته كويس، عشان لما تجيب مبيض محاره يعمل المرمات مكان التكسير مايلاقيش الخرطوم بيضايقه، لأنه بارز عن الحيطة، ولو هتشتغل كهرباء في شقة طوب أحمر لازم نخلي مبيض المحارة يعمل حاجه اسمها "بؤج "، ودى عبارة عن مستطيل بيتعمل خليط من المونه عشان تخلى الحيطة متساوية، ووش العلبة بيتظبط مع وش البؤجة".
كهرباء المطبخ والحمام


وعن المطبخ والحمام قال مهندس الديكور :" علب المطبخ والحمامات يفضل إنها ماتتثبتش، عشان لو عايز تحركها بعد كده وقت التشطيب الشقة، مع التأكد من منسوب علب الكهرباء، والمنسوب هو عبارة عن ارتفاع العلبة عن الأرض، فالمفاتيح منسوبها 90 سم من الأرضية، والبرايز السفلية 30 سم من الأرضية، والأباليك 180 سم من الأرضية، والبرايز ومفاتيح المطابخ والحمامات 120 سم من الأرضية".
وأَضاف:" لو هتعمل جاكوزي، لازم تعرف الكهربائي عشان يعملك مخرج الكهربا بتاعه ومينساش فردة السلك الأرضي، وفايدة الفرده دي أن لو فيه كهربا اتسربت للجاكوزي وشخص موجود فيه، الكهربا ماتوصلوش".

إضاءة المنزل
تابع :" يجب التأكد من أماكن الدش والتليفونات والبرايز والمفاتيح، مع التأكد من أسعار الخامات ومعرفة رأى الكهربائى أو المهندس فى الأسلاك، للتأكد من مدى جودتها".

__________________
سُئل الإمام الداراني رحمه الله
ما أعظم عمل يتقرّب به العبد إلى الله؟
فبكى رحمه الله ثم قال :
أن ينظر الله إلى قلبك فيرى أنك لا تريد من الدنيا والآخرة إلا هو
سبحـــــــــــــــانه و تعـــــــــــالى.

رد مع اقتباس
 
[حجم الصفحة الأصلي: 18.01 كيلو بايت... الحجم بعد الضغط 17.38 كيلو بايت... تم توفير 0.62 كيلو بايت...بمعدل (3.45%)]