[وســـــــــام*]

مع أول طلعة شمس شرقية
وتغريد عصفورة ندية
هتكلم عن عادات وتقاليد مصرية
يتبعها شعب مصر العربية

هتلاقى دايما حاجة بتميزنا
بسمتنا دايما تتبع دمعتنا
وقوتنا دايما مع شدتنا
وإيماننا يقوى من عزيمتنا

عمرنا ما بنسلم ونقول مستحيل
دايما بنحاول
وهنفضل ننضال
لغاية ما نوصل

وازاى نيأس من رحمة ربنا
ما هو اللى بيوفقنا
وعلى الحق يثبتنا
وعن الشر يبعدنا

طالما فينا إيمان
وبقلوبنا رحمة وحنان
بنخاف على بعضنا
ما أنت لو شفتنا
هتلاقينا واحد
مش هتعرف تفرق بيننا

فى الفرح متجمعين
والحزن ملتفين
وفى الأعياد ملتحمين

عندنا الخير مليان
قلوبنا بالمحبة فيها جنان
نحب نساعد الغير
مهما كان صغير ولا كبير

تعالى كده عندنا فى رمضان
هتلاقى موائد الرحمن
وبيوت مفتوحة للمسكين والغلبان

أما العيد له فرحة تانية
أطفال بتنادى أهلاً بالعيد
نازلة بلبسها الجديد
تلعب وكل أيد فى أيد

و لو سمعنا عن خبر ناجح
نجرى عليه ونقوله مبروك
ونهاديه بأحلى الكلام
ونجيبله معنا الحلاوة
وبتكون ضحكته أخر شقاوة

لو عرفنا أن فيه مريض
نروحله وندعيله بالسلامة يقوم
فزيارته لها ثواب عظيم
وبها وصانا إسلامنا الكريم

لو جه عندنا غريب
هتلاقى له بيننا مكان
ونشيله على كفوف الراحة كمان

بس تعالى عندنا كده وهتلاقى كده وكده
هتلاقى الأمين وهتعرف الصادق
وهيبان اللئيم وده حاسب منه
وعن شره باعد
زينا زى أى حد
عندنا الصح والغلط ..
الغلط بنحاول ننصححه
ومش هنسيبه لوحده
لأننا كلنا فى مركب واحد
ودمنا واحد وبلدنا واحد