[بنـ الكويت ــت]

اقتباس:
المشاركة الأصلية كتبت بواسطة بنـ الكويت ــت
السلام عليكم ..

عندي كوسجنات لكم ,, وياريت تفيدوني وتشبعون فضولي !

مع اني احس مالهم جواب ..

1- ليش الصدفيه مثلا في ناس تطلع بالثنايا ؟ ناس تطلعلهم بالمفاصل بس ؟!
شمعنى يعني ؟!
شنو الشي الي يخلي الصدفيه متركزه عند هالشخص بهالمكان ، وشخص غيره بهالمكان ؟

والله يا بنوته هالسؤال صعب ولكن للاجابه عليه نحتاج معرفة السبب من ظهور مرض الصدفيه وهالشي الاطباء أنفسهم عجزوا عن معرفته ولكن معروف عن الصدفيه ظهورها في تلك المنطقتين بكثره ,, واتمنى تلقين الجواب عند اخواني

2- مرات في اماكن تطلع فيها صدفيه وتروح من نفسها من غير علاج ، ومرات في اماكن تطلع وماتروح !!! الا بالكورتيزون لا واول ماتوقفونه ترجع .. ليش يعني ؟!

أولاً ظهور الصدفيه و اختفائها من نفسها من غير علاج راجعه إلى تحسن حالة المريض أو عدم تحسنه . فبمجرد تحسن حالة المريض النفسيه وعدم تاثره بالعوامل الخارجيه و التي تزيد من حالة الصدفيه فسوف نلاحظ اختفاء الصدفيه من تلقائها وهنا اذكر قصة قصيره . كلنا يتذكر حادثة غرق الغواصه السعوديه على سواحل مصر قبل اكثر من عام . كان من ضمن احد الناجيين ولذي لبث في البحر لمدة 3 أيام مصاب بالصدفيه وكان طول مدة بقائه في البحر وانتظار المسعفين لم يفكر بصدفيته بل كان خائف من الموت ولكن عندما أنجاه الله و انقذه خفر السواحل لاحظ بعد ذلك ان الصدفيه ذهبت منه . وهذا ما ذكره في الصحف وارجع بعض الاطباء حدوث ذلك بسبب تواجده في مياه البحر المالحه لمدة طويله وبسبب عدم قدرته على اكل أي شيء قد يزيد من صدفيته.

وبالنسبه للكرتيزون فهو معروف انه علاج قوي يزيل الصدفيه بسرعه ولكن لا يعالجها وبمجرد عدم استخدامه تعود الصدفيه وبشكل أكبر مما كانت عليه من قبل لذا ينصح بعد استخدامه الا في الحالات الشديده و لمدة لا تزيد عن أسبوعيين

3- هل الواحد يقدر يتحكم بصدفيته بمعنى يخليها تطلع بأماكن معينه بدال اماكن ثانيه ؟!

يقدر في حاله وحده إذا كان يملك عصى موسى .... ههههههههه أمزح أتوقع أنه لا يستطيع ولو كان يستطيع لما جعلها تطلع في أي شبر من جسمه


4- يقولون انه الكورتيزون مُبيض ولدرجه بعض خلطات التبييض يغشون الناس فيها يحطونه .. ليش عيل لما نستخدمه مرات يخلي الاماكن غامجه ؟!
ولما تكون غامجه شالسبب ؟؟ وشنو الحل ؟!

الكورتيزون من قوته يغير لون الجلد ويجعله قريب للبياض مما جعل بعض الناس يظن أنه يبيض وايضا دفع بعض التجار الذين لا يخافون الله ان يقوموا بخلطه مع كريمات اخرى وبيعه للناس على انه مبيض وكم من الحوادث المأساويه حدثت بسبب غير المصابين لهذا الكريم ظناً منهم انه مبيض .
و عند الافراط في استخدام الكورتيزون يقوم بحرق الجلد ويجعل لونه قريب للون البني فيجب عدم الافراط في استخدام الكوتيزون واستخدامه فقط لمدة لا تزيد عن اسبوعين وعند حدوث الحروق في الجلد يجب التوقف عن استخدامه مباشره.


5- سمعنا انه ابرة الكورتيزون توخر الصدفيه .. ادري انها قويه ومحد ينصح فيها
بس قصدي انه لما نستخدمها توخرها فتره .. فهل ابرة الكورتيزون لو استخدمت للاكزيما توخرها بعد ؟ ولا ماتأثر ؟؟ للعلم انه الاكزيما يستخدمون لها كريمات كورتيزون ..؟

الكورتيزون الابره او الكريم لا يقضي على الصدفيه و إنما يتم استخدامه للحالات الشديده لتهدئة الصدفيه فترة معينه ولكن سرعان ما ترجع الصدفيه مثل ما كانت عليه و أشد بعد التوقف عن استخدام وجميع الأطباء ينصحون بعدم استخدام الكريم فما ظنك بالأبره سواء لمرضى الصدفيه أو الاكزيميا

6- هل ابرة الكورتيزون وحدة ؟؟ ولا انواع ؟! وبكل الحالات لا استخدمت للصدفيه تفيد ؟ ولا بعضهم ماتأثر ؟؟

بصراحه ما عندي علم اذا هي انواع أو لا ولكن اكرر واعيد انها خطيره مره وهي لا تذهب الصدفيه بل عند التوقف وعدم استخدامها ترجع الصدفيه اشد من ذي قبل وانا هنا اعطي نصيحه للجميع يجب علينا ما تابعة آخر ما توصل إليه الطب الحديث و معرفة آخر المونتجات والحقن التي تم اكتشافها لمحاربة الصدفيه لان اي دواء حديث تكون اعراضه أقل من سابقه .

7- هل هناك سبب في انه الصدفيه عند ناس قشريه ؟ وناس صديديه ؟ وناس ناشفه؟

اهل الاختصاص يقدرون يجاوبون على هذا السؤال ولكن من وجهة نظري ان السبب مجهول والعلم عند الله


8- اذا في اماكن يستخدم لها كريم كورتيزون ومافاد كلش شالسبب ؟؟
بتقولولي احتمال مو صدفيه .. بس سواء كانت اكزيما .. حساسيه .. الخ
كلهم يستخدم لهم الكورتيزون ويفيد .. شالسبب ياترى ؟!

في عالم الصدفيه ليس كل ما هو مفيد لك مفيد لي وليس كل ما هو ضار بي ضار بك . اي ليس كل علاج افادني سوف يفيدك و العكس صحيح
يمكن الكورتيزون فاد مع غيرك بس ما فاد معك لذا يجب عليك البحث عن علاج يفيد مع حالتك و ان شاء الله راح تلقين .

وشكرااااا
أسئله كانت تقرقع بقلبي .. وقلت لعله وعسى تفيدوني

العفو و مشكوره على هذه الاسئله المهمه التي اتمنى ان تطرح على أهل الاختصاص لكي نتمكن من الحصول على الاجابه الشافيه الكافيه
اتمنى من الله العلي العظيم ان يحفظك من كل شر و ان يرزقك الشفاء عاجلا غير آجل و ان يسهل لك كل شيء و تحصلي على أفضل دواء نافع غير ضار انه القادر على ذلك

______________________

ردا على جواب # 2
صراحه انا اشوف الصدفيه مالها علاقه بالحاله النفسيه ، او يمكن بالنسبه لصدفيتي انا بس .. وهذا اغلب كلام الدكاتره لانهم كل ماشافوا مرض ماعرفوله قطوها براس هالحاله النفسيه .. وخاصه سالفة الي اغرقوا ! واحد غرق بنص بحر مادري محيط هذا المفروض حالته النفسيه تكون بأسوء الحالات !!! وكاهي راحت ! فاد معاها البحر
معناته الحاله النفسيه مالها شغل ..

اما الكورتيزون ئي هذا الي محيرني .. عطوني ابرة عساس حساسيتي بس ليش الصدفيه ما تأثرت كلش ؟!

# 4
يماا خرعتني
انا اذكر بطني سار جذي غامج ونطرت سنتين ماراح اللون ابد ، يوم ييت هني امريكا كان يدخل علي تيم الدكاتره ، لما اقولهم مايعطوني ويه بهالسالفه
يقولولي انه عادي بروح ! قتلت حق الهيد مالهم اعنبو يور فاذر ات ددنت قو تل ناو
قالي دونت توك اباوت ماي فاذر بليز ! لا اتغشمر بس انه برود ! لانهم رياييل طبعا بغيت اقوله لو مرتك جان قمت تراكضلها ،بس انا الفقيره المسيجينه ماتعبروني ..قالولي انه بعدين يسير خير اول شي بنعالج الصدفيه ، وتييني ذيج الدكتورة المصريه بنت الازهري فديتها ، واشكيلها الحال وتقولي افا عليج ليش ماعطوج دوا و تعطيني ذاك الدوا الي يحرق حراق لانه قوي حيل ، بس تعرفون بنات نبي نكون بيرفكت والحمدالله نفعني شوي ، بس ماوصلت لدرجة التبرفك

#5
عاد تصدق انا وايد استعمل الهيدروكورتيزون هني بامريكا ماعندهم غيره !
عايشه عليه ! سارلي 3 سنين بس لما ارد لكويت واروح الجلديه تعطيني ادويه غير وهم فيها كورتيزون ومرات استخدمه ومرات لا لانهم يعطوني كميه للكويت
والحين الله وكيلك سارلي 4شهور واستعمله شسوي ما باليد حيله !
ماينفع معاي شي

انزين عفيه قولي .. ليش ما اثرت فيني ابرة الكورتيزون ؟؟ ولو اكزيما هل ممكن تاثر او لا ؟

#8
امبلى كريم الكورتيزون يفيدني حيييييييييييييل وبشكل قوي
بس المشكله في مكان كلللللش ابد مافاده من 4 شهور وانا احطله وماكو فايده !
مايتحسن !!! بس تحسن تحسن بطيء لما غطيته بشرشف فيه خل ابيض مع الكورتيزون لما يسوولي بالمستشفى
شمعنى يعني ؟!
والدكتور ينرفزني اعنبو ابليسك من 4 شهور وتشوف ماكو فايده يعني دورلي حل غيره يه

ئي تصدق افكر اسال الدكتور هني عنهم ! جود يقنعني
اليوم رحت بسالهم لانه طول ماحطلي موعد
بس طلع ماخذ اجازه اهو والمدام ناطرتهم يردون

اللهم آميييييييييييييييين يارب
اجمعيييين
شكرااا =)