[محبه للعطاء]

هذه قصه حصلت في الجامعه لأربع بنات هي

وحده فيهم الظاهر انها مخطوبه كانت بتتكلم بالجوال.. بعد ماقفلت تقول لصحباتها مالك عليه راح يجيب اشياء لأمه

.. صاحباتها بيقوللها طيب اشبك كدا حاقده على امه ..

قامت قالتلهم بس والله انها ما تنطاق لا وكمان هوا يقولي لو اتزوجنا تنزليلها كل يوم وتسلمي عليها وتجلسي عندها شويه.. مع نفسهم الاتنين هوا ايش شايفني خدامه عندو وعند امه

بصراحه استغربت يعني انتي لساتك مخطوبه وبتعملي كدا اجل لو اتزوجتي ايش راح تسوي

المهم وحده من اللي معاهم شكلها البنت عاقله فبتقولها ما يسير مهما كان دي امه واحترامك لها من احترامك له وكل ما حبيتي امه هوا حيحبك زياده

قامت قالتها لا والله هوا ما يحترم امي انا كمان ماراح احترم امه .. حسيت البنت لسه عقلها صغير

المهم قامو البنات سألوها كيف ما يحترم امك وانتي ساكته ؟؟ قالتهم عادي اصلن ماما لمن تغلط عليه يقوم هوا يغلط عليها

خليهم يغلطو على بعض زي ما يبغو ..!! قالتها وحده من اللي معاها هادي امك المفروض ما ترضي انو احد يغلط عليها قامت قالتها هيا اللي جابت لنفسها ..

هدا اخر شي سمعتو

بصرااحه مره استغربت من اسلوب البنت وتفكيرها ..

سؤالي هو

انتو ايش رأيكم في البنت اللي تفكر بالطريقه دي ؟؟

للبنات / هل حتسمحي لزوجك او خطيبك انو يغلط على امك حتى لو هيا غلطت عليه ؟؟

للشباب / لو انت كنت في مكان خطيبها هل حتغلط على ام زوجتك اذا هيا غلطت عليك ولا لا ؟