[سعيد مسلم]

السلام عليكم
تبارك الله على خوتي المغاربة راكم منورين المنتدى و صافي هكا بغيتكم تكونوا و الله و عجبني الحال بزاف
نعم اختي ايمان هداك هو الرطل زوج كيلو و نص نتمنى ليك اختي التوفيق و السداد.
اختي انسام جوابي على السؤال لي طرحتيه انا لي فترة الحمد الله مرتاح مخليت ما جربت قبل و كانت الصدفية غي ما تتزيد تكفاس حتى وليت مطبع حشاك بحال شي بقرة.
انا دبا حاليا تستعمل زيت كبد الحوت تنشربو و دهان كنت فالاول تندهن مرهم الديرموفال يوم و يوم مرهم الدفونيكس و فراسي تندهن القطران او القطران مخلط مع الفزلين الطبي المركب يوم و يوم تندهن بدفونيكس ولا ديرموفال.
منين بريت تخلصت من الديرمو فال و ركزت على الدفونيكس مرة كل ثلات ايام و لا مرة كل اسبوع و راس نفس الشئ و نهار تنكون راشقالي تندهن القطران .
حاليا الحمد الله بعض المرات متنسليش متنبقا ندهن والو و كي تتبان حبة ولو صغيرة فراسي تنبقى عليها بدفونيكس تتنقضى عليها.
النتيجة و الملاحض ان المرض ما بقاش كيما فالعادة كي تيرجع تيرج فالميساحة كاملة لي كان شاد ولا اسوء بالعكس تهنيت منو و لا بانت تتبان حبة هنا و لا هناك.و الفضل كل الفضل بعد الله لزيت كبد الحوت كنت بغي نشري الكالسيوم من صيدليات حيت انا قاطع كاع منتجات لحليب لكن مالقتوش متوفر و حتى ماديا انا معنديش .
ايه و كاين حاجة خرى انا تنحاول ما امكن نبعد من لحم لحمر و ناكل مع الغدا ولا لعشا شلادة ولا عصير فواكه حيت الفواكه و الخضرا لي ما طيباش غنيه بانزيمات هضمية و مضدات الاكسدة.
ملاحضة اخرى صدفية الاظافر مشات الراسها حيت القطران لي كنت تندهنو و تندلك بيه راسي قضى عليها.
اما صدفية الادن لي لداخل و حتي شي التهاب كان فنيفي يمكن كان هي راح مع هد الوصفة و الحمد الله على رحمة ديالو راني كنت حالتي راسي مكان فيه ما يتشاف و ناس غي تتسول و فخاضي ومصاصطي وبين لفخاض و طوابكي كلشي كان حالة.
لي كاين راه قواتو ليك و اي سؤال او استفسار على الراس ة العين.